Heahtedilis dus lea vuoigatvuohta oažžut hohpolaš buohccedikšuma, dego bátnedikšuma, mielladearvvašvuohtadikšuma ja gárrenávnnasdikšuma, miehtá Suoma ja juohke almmolaš dearvvašvuohtafuolahusa dikšunbáikkis. Hohpolaš dikšumiin dárkkuhuvvo fáhkka buohccán, váddu, guhkesáigge buozalmasa váttásnuvvan dehe doaibmanávcca vuolláneami gáibidan njuolggoárvvoštallan ja dikšun.

Jos du váivvis ii leat njuolggoheakkavárra, muhto dat gáibida hohpolaš dutkama ja dikšuma, de ohcal iežat dearvvašvuohtastašuvdnii dan rabasorrunáigge. Čuojat dearvvašvuohtastašuvnna gohcci telefonneavvumii, gos du dilli árvvoštallojuvvo, addojuvvojit anolaš dikšunrávvagat ja čujuhuvvo ovddos. Hoahpuhis dikšun sáhttá álohii sirdojuvvot almmá buozalmasa vearráneami dehe váttu váttásnuvvama haga, hohpolačča ii.

Hohpolaš dikšuma addima várás gielda dehe buohccedikšunbiire galgá ordnet gohcima birra jándora. Birrajándora gohcinbáikkit doibmet dábálaččat buohcceviesuid olis. Hohpolaš dikšumii váldon buohcci sirdojuvvo joatkkadikšumii, mii mearrahuvvá su ruovttugieldda vuođul.