Priváhta dearvvašvuohtafuolahusa bálvalanbuvttadeaddjit sáhttet vuovdit bálvalusaid njuolga áššehasaide sihke gielddaide ja gieldaovttastumiide. Priváhta doaibmit fállet sihke vuođđo- ja spesiálabuohccedikšuma bálvalusaid.

  • Mávssát ieš dikšuma goluid, go geavahat priváhta dearvvašvuohtabálvalusaid. Priváhta bálvalanbuvttadeaddjit sáhttet bearrat bálvalusaineaset friddja maid háliidit.
  • Sáhtát oažžut Áel:as buhtadusa priváhta dearvvašvuohtafuolahusa goluide, jos orut dehe dus buohcanoadju Suomas. Áel buhtte goluid buohcanoadjolága vuođul.
  • Maid priváhta dáhkádusat sáhttet gokčat priváhta dearvvašvuohtafuolahusa goluid áššehassii.

Priváhta dearvvašvuohtabálvalusaid fállamii galgá leat lohpi

Priváhta dearvvašvuohtafuolahusa fitnodat galgá ohcat doaibmásis lobi iežas guovllu guovlohálddahusa virgedoaimmahagas dehe Sosiála- ja dearvvašvuohtasuorggi lohpe- ja gozihanvirgedoaimmahagas (Valvira). Jos fitnodat doaibmá dušše ovtta guovlohálddahusa virgedoaimmahaga guovllus, lobi mieđiha guovlohálddahusa virgedoaimmahat. Jos doaibma gokčá eanet guovlohálddahusa virgedoaimmahaga guovlluid, de lobi mieđiha Valvira.

Lohpi ii dárbbašuvvo dalle, go dearvvašvuohtafuolahusa ámmátolmmoš addá bálvalusaid iehčanas ámmátbargin. Jos jearaldat leat lágalažžan dahkkon dearvvašvuohtafuolahusa ámmátolbmos, de sus galgá leat Valvira mieđihan lohpi doaibmat ámmáhisttis.

Bálvalanbuvttadeddjiid oktavuohtadieđut

Priváhta dearvvašvuohtafuolahusa bálvalanbuvttadeddjiid oktavuohtadieđut ja diehtu bálvalusain gávdno Bálvalanveakta.fi-fierbmebálvalusas. Maiddái FinlandCare-prográmma fierbmesiidduin lea diehtu priváhta dearvvašvuohtafuolahusa bálvalusain.