Organisašuvnnaid fállan veahkki ja doarjja

Suomas doibmet eatnatlohkosaš organisašuvnnat, mat buvttadit sosiála- ja dearvvašvuohtabálvalusaid sierra buohcce- ja áššehasjoavkkuide. Bálvalusat dievasmahttet almmolaš dearvvašvuohtafuolahusa ja daid ulbmilin sáhttá leat ovdamearkka dihte álbmotdearvvašvuođa ovddideapmi dehe buohcci doarjun buozalmasain ceavzimis. Veardidandoarjja ja muosáhusáššedovdamuš leat organisašuvnnaid buvttadan guovddášdoaibma.


Goalmmát sektora bálvalusaid ulbmilin sáhttá leat ovdamearkka dihte álbmotdearvvašvuođa ovddideapmi dehe buohcci doarjun buozalmasain ceavzimis. Goalmmát sektora doaibma ii háhpohala vuoittu ja vuođđuduvvá dávjá eaktodáhtolašvuhtii.

Sosiála- ja dearvvašvuohtasuorggi álbmotservviid, mat doibmet Suomas, dáhkkeorganisašuvdna lea SOSTE. Diehtu sosiála- ja dearvvašvuohtasuorggi álbmotorganisašuvnnain lea čohkkejuvvon SOSTE fierbmesiidduide.

Goalmmát sektor ordne dearvvašvuohtabálvalusaid báberkeahtes olbmuide

Goalmmát sektor fállá sosiála- ja dearvvašvuohtabálvalusaid báberkeahtes ja eará hávváduvvi sajádahkii šaddan olbmuide. Dáinna dárkkuhuvvo ovdamearkka dihte dakkár olmmoš, geas lea vuoigatvuohta dušše hohpolaš dikšumii dearvvašvuohtafuolahuslága vuođul ja geas ii leat eará láhkaásaheami mielde vuoigatvuohta oažžut dikšuma Suomas.

Helssegis, Turkus, Oulus ja Joensuus doaibmá Global Clinic, mii addá dikšuma báberkeahtes olbmuide. Klinihkas barget eaktodáhtolaš doaktárat ja dikšunbargit. Dikšun lea nuvttá. Bargiid čatná geatnegahtton jávohisvuohta, iige áššehasas ilmmuhuvvo ovdamearkka dihte boliisii. Klinihka čujuhus lea suollemas ja dat muitaluvvo, go áššehas váldá oktavuođa klinihkkii.

Global Clinic oktavuohtadieđut

Helsset 
Telefovdna 044 977 4547
Šleađgaboasta globalclinic.finland(at)gmail.com

Turku

Telefovdna 046 625 1412

Oulu

Šleađgaboasta paperittomat@odl.fi

Joensuu

Telefovdna 046 5900 186
Pro-doarjjabáiki fállá vuollegis šielmmá sosiála- ja dearvvašvuohtabálvalusaid olbmuide, geat leat seaksabarggus Helssegis ja Tamperes. Bálvalusaid joksá telefovnnain (09 2512 730) dehe šleađgaboasttain (toimisto(at)pro-tukipiste.fi).

Báhtareaddjiráđđi rs addá juridihkalaš veahki ja neavvuma dorvobáikeohcciide, báhtareddjiide ja eará olgoriikkalaččaide Suomas.

Servodatlaš fitnodagat

Servodatlaš fitnodagat sáhttet leat ollásit dehe muhtin oassái organisašuvnnaid oamastusas. Daid fitnodatdoaimma ulbmilin lea ovddidit servodatlaš ulbmiliid ja vuoittut adnojuvvojit vuosttaš sajis dáid ulbmiliid ovddideapmái, dego mánáid-, lápmasiid- dehe nuoraidbargui. Fitnodatdoaimmain lasihuvvo servodatlaš buresbirgejupmi ja ceavzilvuohta.

Lassi diehtu servodatlaš fitnodagain gávdno Arvoliitto ja Reilu Palvelu ry siidduin.