Dearvvašvuohtafuolahusa ámmátolbmot

Dearvvašvuohtafuolahusa ámmátolbmot juhkkojuvvojit Suomas lágalažžan dahkkon namahusaiguin suddjejuvvon ámmáhiidda. Lágalažžan dahkan dárkkuha, ahte olmmoš lea čađahan dihtolágán, lágas ja ásahusain mearriduvvon oahpu ja ahte sutnje lea mieđihuvvon lohpi doaibmat jearaldatvuloš ámmáhis ja geavahit jearaldatvuloš ámmátnamahusa. Lágalažžan dahkama mieđiha Sosiála- ja dearvvašvuohtasuorggi lohpe- ja gozihanvirgedoaimmahat (Valvira).


Lágalažžan dahkkon dearvvašvuohtafuolahusa ámmátolbmot

Valvira bajásdoallan JulkiTerhikki-registtarii merkejuvvojit dieđut buot lágalažžan dahkkon dearvvašvuohtafuolahusa ámmátolbmuin. Registtar lea almmolaš ja buohkaide rabas. Sáhtát dárkkistit registaris du dikšon olbmo ámmátgelbbolašvuođa. Registaris lea diehtu olbmo riegádanjagis, registtarnummáris ja ámmátvuoigatvuođain.

Lágalažžan dahkkon dearvvašvuohtafuolahusa ámmátolbmot leat Suomas

  • doavttir
  • bátnedoavttir
  • provisora
  • psykologa
  • hupmanterapevta
  • biebmanterapevta
  • farmasevta
  • buohccedikšu
  • čielgeeadni/jorttamovra
  • dearvvašvuohtadikšu
  • fysioterapevta
  • laboratoriadikšu
  • röntgendikšu
  • njálbmehygienista
  • doaibmanterapevta
  • optihkar
  • bátneteknihkar.

Namahussuddjejuvvon dearvvašvuohtafuolahusa ámmátolbmot

Namahussuddjejuvvon ámmáhis sáhttá bargat earánai go sierra meroštallojuvvon oahpu čađahan olmmoš, jos sus muđuid lea nohkka buorre oahppu, vásáhus ja ámmátdáidu barggus bargamii. Namahussuddjejuvvon dearvvašvuohtafuolahusa ámmátolmmoš ii vealttakeahttá dárbbaš Valvira dohkkeheami ámmátnamahusa atnui. JulkiTerhikki-registtarii merkejuvvojit dieđut maiddái olbmuin, geat geavahit namahussuddjejuvvon ámmátnamahusaid.

Namahussuddjejuvvon dearvvašvuohtafuolahusa ámmátolbmot leat

  • veahkkegaskaoapmeteknihkar
  • juolgeterapevta
  • skuvlejuvvon ruvvejeaddji
  • kiropraktihkar
  • naprapáhta
  • osteopáhta
  • lagasdikšu
  • psykoterapevta
  • buohcceviessofysihkar
  • buohcceviessogenetihkar
  • buohcceviessokemista
  • buohcceviessomikrobiologa
  • buohcceviessoseallabiologa

Eiseváldi ferte 1.1.2016 rájes ilmmuhit nuppi EU-riikkaid eiseválddiide, jos dearvvašvuohtafuolahusa ámmátolbmo doaibma ráddjejuvvo dehe jos dat gildojuvvo.