Almmolaš dearvvašvuohtafuolahusa bálvalusaid ordnema ovddasvástádus lea gielddain ja gieldaovttastumiin. Gielda sáhttá ordnet bálvalusaid nu ahte dat buvttada daid ieš dehe ovttas nuppi gielddain. Gielda sáhttá maid háhkat bálvalusaid fitnodagas dehe organisašuvnnas.

Almmolaš dearvvašvuohtafuolahusa bálvalusat ruhtaduvvojit vearroboađuiguin sihke bálvalusain berrojuvvon áššehasmávssuin.

Dearvvašvuohtafuolahus stivrejuvvo láhkaásahemiin, stáhtaossodatvuogádagain, ávžžuhusaiguin ja rávvagiiguin sihke bearráigeahčuin. Dearvvašvuohtafuolahusa stivrema ovddasvástádus lea sosiála- ja dearvvašvuohtaministeriijas (SDM) ovttas vuollásaš virgedoaimmahagaiguin ja lágádusaiguin. SDM:a vuollásaš virgedoaimmahagat leat

  • Dearvvašvuođa ja buresbirgejumi lágádus (DBL)
  • Dálkkassuorggi dorvvolašvuohta- ja ovddidanguovddáš (Fimea)
  • Suonjardandorvoguovddáš (SDG)
  • Bargodearvvašvuohtalágádus (BDL)
  • Sosiála- ja dearvvašvuohtafuolahusa lohpe- ja gozihanvirgedoaimmahat (Valvira).

Dearvvašvuohtafuolahusa bearráigeahču ovddasvástádus lea Valviras sihke guovlohálddahusa virgedoaimmahagain.

Dearvvašvuohtabálvalusaid fállet maid ovttaskas fitnodagat, iehčanas ámmátbargit sihke organisašuvnnat. Áel buhtte oasi priváhta dearvvašvuohtafuolahusa goluin Suomas orruide ja daidda, geain lea buohcanoadju.

Dikšunbáikki oktavuohtadieđut

Buot Suomas doaibmi almmolaš dearvvašvuohtafuolahusa bálvalanbuvttadeddjiid oktavuohtadieđut gávdnojit Bálvalanveakta.fi-fierbmebálvalusas. Buohccedikšunbiirriid, gohcci buohcceviesuid ja riegádahttinbuohcceviesuid oktavuohtadieđut gávdnojit maid dáppe.

Almmolaš dearvvašvuohtafuolahusa bálvalusain gávnnat dieđu maid gielddaid ja buohccedikšunbiirriid fierbmesiidduin.

Priváhta dearvvašvuohtafuolahusa bálvalanbuvttadeddjiin lea diehtu FinlandCare-prográmma siidduin.