Easttahis áššiid dikšun lea viiddes doaba, mii lea meroštallojuvvon čuovvovaččat

  1. Fysihkalaš birrasa easttahisvuohta, ovdamearkka dihte visttiid sissajiid ja olggobeale sajiid easttahisvuohta
  2. Dieđu oažžuma ja gulahallama easttahisvuohta, mii doallá sisttis áššiid dikšuma gáidosis ja elektrovnnalaš bálvalusaid easttahisvuođa
  3. Bálvalandáhpáhusa easttahisvuohta, ovdamearkka dihte vuorrováikkuhus bargiiguin ja vealatkeahtesvuohta áššehasain deaivvadeamis.

Dearvvašvuohtastašuvnnaid ja buohcceviesuid easttahisvuođas leat stuora erohusat. Muhtin gielddat fállet bienasta bitnii easttahisvuođa dieđu dikšunbáikkiin. Ovdamearkka dihte Helssega gávpoga fierbmesiidduin lea almmustahttojuvvon bálvalusgárta, mas oaččut dieđuid dikšunbáikkiid easttahisvuođas. Sáhtát ovdamearkka dihte ohcat dearvvašvuohtastašuvnna, masa rullastuolu geavaheaddjin beasat boahtit iežat biillain.

Dábáleamos lihkadeami eastagat leat iešguđetlágán dásseerohusat, dego ráhpát ja šielmmát. Sadjedárbu lea dehálaš earret eará rolláhtoriin johttiide, goas johtinsajit, uksaráiggit, hissaid ja wc- ja vuostáváldinsajit galget leat saddját. Jos vázzin lea váttis, de lea dehálaš, ahte dearvvašvuohtastašuvnnain vuoiŋŋastanbáikkit leat dárbahassii olu. Iešguđetlágán atnudeaddinboalut ja bálvalandiskkat  galget plánejuvvot nu, ahte maid mánát, oanehisšattogat ja rullastuoluin johttit sáhttet daid geavahit.

Bálvalanbirrasa easttahisvuohta šaddá maid kommunikašuvdnačovdosiin, ovdamearkka dihte sajiide leat biddjon čielgagiela oahpástagat ja bealjehemiid veahkkegaskaoapmin indukšuvdnafárffut. Bálvalusaid oažžašuvvama sihkkarastá maid bargiid nákca váldit vuhtii sierralágán geavaheddjiid. Áššehasain sáhttá leat maid áššiid dikšuma dulka dearvvašvuohtaguovddážis dulkome ságastallama. Áššiid dikšuma dulka dárbbašuvvo, go dearvvašvuohtafuolahusa ámmátolmmoš deaivvada áššehasain, geainna ii gávdno oktasaš giella. Áigevárrehus ja várrehusáiggi šluhtten sáhttá leat vejolaš maid eará vugiiguin go telefovnnain, dego deakstasáddagiin.

Suomas huksema stivre eanangeavahan- ja huksenláhka sihke dan dievasmahtti ásahus, main gávdnojit guovddáš huksejuvvon birrasa easttahisvuođa njuolggadusat. Lága mielde olmmoš, guhte ii sáhte lihkadit ja doaibmat go rájálaččat, galgá iešoaivves beassat dikšut áššiid hálddahus- ja bálvalanvisttis.