Dearvvašvuohtalágas šládja-doaba loktana dávjá ovdan máŋggain paragráfain. Dearvvašvuohtafuolahusa fállan bálvalusat galget leat buorrešlájagat, dorvvolaččat ja áššáigullevaččat ollašuhttojuvvon. Juohke Suomas fásta orrus lea vuoigatvuohta buori dearvvašvuohta- ja buohccedikšumii sihke dasa gullevaš meannudeapmái. Buorre šládja ja meannudeapmi lea ovdamearkka dihte dikšuma šládja, buohccedorvvolašvuohta, ovttaveardásašvuohta ja bargiid ámmátdáidu ja máhttu.

Buorrešlájat dearvvašvuohtabálvalusaide leat mihtilmasat čuovvovaš iešvuogit

  • Áššehasguovdasašvuohta: buohccin don gudnejahttojuvvot ja du iešmearridanvuoigatvuohta lea vuolggasadji bálvalusa ollašuhttimis.
  • Bálvalusaid oažžašuvvan ja jovssahahttivuohta: oaččut bálvalusaid govttolaš áiggis dásseárvosaččat orrunbáikkis, sosioekonomalaš sajádagas, sohkabealis dehe etnihkalaš dagaldagain fuolakeahttá.
  • Vuoiggalašvuohta: áššehasat, geat leat seammalágán diliin, ožžot ovttalágán dikšuma dehe bálvalusa. Hohpolaš dikšun galgá addojuvvot buohkaide almmá dárbbašmeahttun ájahallama.
  • Válljenfriddjavuohta: sáhtát válljet dikšunbáikkát ja du dikšu dearvvašvuohtafuolahusa ámmátolbmo.
  • Buohccedorvvolašvuohta: dikšun, dálkkasdikšun ja rusttegat leat dorvvolaččat. Dearvvašvuohtafuolahusa ámmátolbmo máhttu lea alla dásis ja su ámmátlaš máhttui gullá ieš doaimmas dárbbašlaš máhttu, dego olbmo deaivvadeami dáidu.
  • Váikkuhanvuohta: Sosiála- ja dearvvašvuohtabálvalusat, maid geavahat, váikkuhit ja dat lasihit du buresbirgejumi ja dearvvašvuođa nu olu go vejolaš.

Dieđát, ahte oaččut buorrešlájat dikšuma, go dikšumat vuođđuduvvá buoremus vejolaš dihtui, mii lea anus, dehe dieđalaš duođaštussii, ja dat buvttada dutnje lasi dearvvašvuođa ja buresbirgejumi. Dárbbašuvvo maid buorrin muosáhuvvon dikšungeavadat.

Láhka ii geatnegahte dikšunbáikkis šládjavuogádaga, muhto dat lea okta vuohki lágidit lága mearridan áššiid. Dearvvašvuohtafuolahusa doaibmaovttadat galgá sihkkarastit maid eará bálvalanbuvttadeddjiin iežas háhkan bálvalusaid šlája ja buohccedorvvolašvuođa. Juohke dearvvašvuohtastašuvdna ja buohcceviessu galgá ráhkadit plána šládjahálddašeamis ja buohccedorvvolašvuođa ollašuhttimis.

Bálvalanveakta.fi-fierbmebálvalusas (suomagillii) sáhtát ohcat dieđu sosiála- ja dearvvašvuohtabálvalusa oažžašuvvamis, šlájas ja váikkuhanvuođas.