Dikšumii beassama eanemusáiggit

Dikšumii beassamii leat merrojuvvon eanemusáiggit, maid siste du dikšun galgá ordnejuvvot hoahpuhis dikšumis. Heahtedilis dus lea vuoigatvuohta beassat dikšumii dakkaviđe lagamus dearvvašvuohtastašuvnna dehe buohcceviesu gohcci vuostáváldimii.

Gielda ja buohccedikšunbiire galgá almmustahttit fierbmesiidduinis unnimusat njealji mánu gaskkaid dieđuid dikšumii beassama vuordináiggiin. Jos gielddas dehe buohccedikšunbiirres leat máŋga doaibmaovttadaga, de dieđut galget almmustahttojuvvot sierra juohke doaibmaovttadagas.

Vuođđodearvvašvuohtafuolahusa eanemusáiggit

Don fertet oažžut dakkaviđe telefonoktavuođa iežat dearvvašvuohtastašuvdnii árgabeivviid virgeáigge. Oktavuođa oažžun telefovnnain dárkkuha, ahte áigevárrehusa lassin don oaččut neavvuma ja álgoplána doaibmabijuin sihke dieđu, mot meannuduvvo váivviin, dávdamearkkain dehe buncaraggáin. Sáhtát maid dikšut áššiid persovnnalaččat dearvvašvuohtastašuvnnastat dehe várret áiggi gieldda fierbmesiidduid bakte.

Dikšundárbu galgá árvvoštallojuvvot maŋimusat goalmmát beaivve du oktavuođa váldimis, jos dat ii leat sáhttán árvvoštallojuvvot juo telefovnnas. Dikšundárbbu sáhttá árvvoštallat earánai dearvvašvuohtafuolahusa ámmátolmmoš go doavttir.

Don fertet beassat dikšumii maŋimusat golmma mánus dikšundárbbu árvvoštallamis. Njálmmi dearvvašvuohtafuolahussii galgá beassat golmma mánu siste, muhto buriiguin ákkaiguin du dikšun sáhttá maŋiduvvot eanemusat guđa mánnui. Jos iežas dearvvašvuohtaguovddáš dehe buohcceviessu ii bastte dikšut du mearreáiggis, de sáhtát beassat dikšumii eará sadjái, juogo nuppi buohccedikšunbiirii dehe priváhta dearvvašvuohtafuolahussii.

Sierrabuohccedikšuma eanemusáiggit

Buohccedikšunbiirre gieldaovttastumi dehe dearvvašvuohtaguovddáža ordnen hoahpuhis sierrabuohccedikšumii beassama gáibádussan lea doaktára dehe bátnedoaktára sáddenbábir. Dikšundárbbu árvvoštallan galgá álggahuvvot golmma vahku siste sáddenbáhpira boahtimis sierrabuohccedikšuma doaibmaovttadahkii.

Dikšundárbu árvvoštallojuvvo juogo sáddenbáhpira vuođul dehe lassidutkamiin. Árvvoštallamis vejolaččat  dárbbašuvvon lassidutkamat dehe spesiáladoaktára árvvoštallan galgá dahkkot golmma mánu siste sáddenbáhpira boahtimis. Dikšun ja neavvun galgá álggahuvvot dikšuma gáibidan hohpolašvuođa vuhtii válddedettiin govttolaš áigge siste, goitge guđa mánu siste das, go dikšundárbu lea gávnnahuvvon.

Mánáid ja nuoraid mielladearvvašvuohtabálvalusain dikšundárbu galgá árvvoštallojuvvot guđa vahkus sáddenbáhpira boahtimis. Vuollel 23-jahkasaččaid mielladearvvašvuođa buncaraggáin gillájeaddjit galget beassat dikšumii maŋimusat golmma mánu siste dikšundárbbu gávnnaheamis.