Dearvvašvuohtastašuvnna molsun gáibida, ahte dagat dikšunbáikki molsumis čálalaš ilmmuhusa sihke dáláš ja boahttevaš dearvvašvuohtastašuvdnii. Ođđa válljema sáhtát dahkat áramusat, go jahki lea gollan iežat ovddit válljemis. Ovddasvástádus du dikšumis sirdása ođđa dearvvašvuohtastašuvdnii maŋimusat golmma vahku geahčen, go ilmmuhus lea vuostáváldon.

Sáhtát leat hávális ovtta dearvvašvuohtastašuvnna áššehassan. Oaččut dearvvašvuohtastašuvnnastat visot vuođđodearvvašvuohtafuolahusa bálvalusaid, dego doaktára ja buohccedikšuma vuostáváldima, rávvehatbálvalusaid, bátnedikšuma ja veajuiduhttinbálvalusaid.

Jos orut dehe orodat jeavddalaččat dehe guhkesáigásaččat iežat ruovttugieldda olggobealde, ovdamearkka dihte barggu, stuđerema, friddjaáigge, lagasoapmahačča dehe eará lagasolbmo orruma dihte, de don sáhtát oažžut dikšuma maid iežat orrungieldda dearvvašvuohtastašuvnnas. Du dikšun galgá dalle vuođđuduvvat dikšunplánii, mii lea ráhkaduvvon du ruovttugieldda dearvvašvuohtastašuvnnas. Du dikšumis ovddasvástideaddji dearvvašvuohtastašuvdna ii goitge molsahuva, daningo du hoahpuhis dikšuma válljen guoská dál dušše daid dearvvašvuohtabálvalusaid, mat leat dikšunplána siste. Don fertet dahkat čálalaš ilmmuhusa maid dán dikšunbáikki válljemis.

Suoma gielddat fállet iežaset orruide dearvvašvuohtafuolahusa bálvalusaid hui sierra vugiid mielde. Váldde danin čielgasa iežat ruovttugieldda ja dearvvašvuohtastašuvnna bálvalusfálaldagas. Oassi gielddain háliidit fállat vuođđodearvvašvuohtafuolahusa áššehasaidasaset viiddit válljenfriddjavuođa go maid dearvvašvuohtafuolahuslágas lea mearriduvvon, ovdamearkka dihte dearvvašvuohtastašuvdna sáhttá molsojuvvot dávjjitge go oktii jagis. Lea maid vejolaš, ahte bátnedikšun ja rávvehatbálvalusat válljejuvvojitge sierra.

Ovddasvástádus dikšundárbašiin ja daid juohkimis lea álohii dan dearvvašvuohtaguovddážis, mas lea ovddasvástádus du dikšumis. Jos molssut nuppi gieldda dearvvašvuohtaguovddáža áššehassan, de oažžut dan maŋŋel iežat dárbbašan dikšundárbašiid doppe. Dikšundárbašiin dárkkuhuvvojit ovdamearkka dihte dárbašat, mat adnojit diabetesa dikšumis.

Dearvvašvuohtastašuvnna lonuheapmi

Ovdal go lonuhat dearvvašvuohtastašuvnna, váldde čielgasa, mot ja gos dearvvašvuohtastašuvnna bálvalusat geavadis ordnejuvvojit. Molssodettiinat dearvvašvuohtastašuvnna válljet oktanaga visot vuođđodearvvašvuođa bálvalusaid, maidda gullet earret eará mánáid- ja etniidrávvehat, bátnedikšun, mielladearvvašvuohta- ja gárrenávnnasbálvalusat sihke dearvvašvuohtaguovddáža oanehisáigásaš seaŋgaossodatdikšun.

Dat, man dikšunbáikkis oažžut skuvladearvvašvuohtafuolahusa, stuđerendearvvašvuohtafuolahusa dehe guhkesáigásaš lágádusdikšuma, ii leat du válljemis. It sáhte maid válljet, ahte du ruovttubuohccedikšun ordnejuvvo eará sajes go ruovttugielddastat.

Sáhtát lonuhit dearvvašvuohtastašuvnna eanemusat oktii jagis. Gielda sáhttá goitge hálus mielde fállat dearvvašvuohtafuolahusa áššehasaide lágas mearriduvvon viiddit friddjavuođa dikšunbáikki válljemii. Jos dákkár vejolašvuohta lea, de das galgá dieđihuvvot.

Ovddasvástádus dikšumisttát sirdása ođđa dearvvašvuohtastašuvdnii maŋimusat golmma vahku geahčen, go ilmmuhus lea váldon vuostá.

Lassidieđut báikkálaš dearvvašvuohtafuolahusa bálvalusain ja vejolaččat maid skovi dearvvašvuohtastašuvnna molsumii gávnnat gieldda fierbmesiidduin dehe iežat dearvvašvuohtastašuvnnas. Dearvvašvuođa ja buresbirgejumi lágádusa sámás: Bálvalanveakta-fierbmebálvalussii (suomagillii) čohkkejuvvojit veardidandieđut Suoma dearvvašvuohtafuolahusa bálvalusain.