Bálvalanseđela geavadat ja bálvalanválljašupmi molsašuddet olu Suoma sierra guovlluin. Bálvalanseđel sáhttá leat buot geavaheddjiide seammaárvosaš dehe čadnojuvvon boađuide, goas dan árvu lea gaskavuođas du boađuide. Gielddain bálvalanseđel lea dávjjimusat anus vuorasbálvalusain, bátnefuolahusas ja muhtin sierrabuohccedikšuma doaibmabijuin, ovdamearkka dihte smáitečuohpadusain. Bálvalanseđela oažžun gáibida, ahte gieldda sosiála- ja dearvvašvuohtafuolahusa ovddasteaddji árvvoštallá bálvalandárbbuidat. Bálvalanseđela sáhtát oažžut gieldda dehe sierrabuohccedikšuma bálvalanovttadagain.

Almmolaš dearvvašvuohtafuolahusa áššehassan dus lea vuoigatvuohta diehtit sajádagat bálvalanseđela geavaheaddjin, bálvalanseđela árvvu, bálvalusa buvttadeddjiid hattiid, iežasovddasvástádusoasi mearrahuvvama ákkaid ja árvvoštallojuvvon sturrodaga. Dasa lassin du lea buorre diehtit, man sturrosaš lea danveardásaš gielddas ordnejuvvon bálvalusa áššehasmáksu. Jos gielddas ordnejuvvon bálvalus lea nuvttá, de bálvalanseđel ferte gokčat goluid ollásit.

Gielda ferte doallat logahallama priváhta dearvvašvuohtafuolahusa bálvalusaid buvttadeddjiin, maiguin dat ovttasbargá bálvalusaid ordnemis. Dieđut bálvalusaid buvttadeddjiin, bálvalusain ja daid hattiin leat almmolaččat oažžunsajis, ovdamearkka dihte gieldda fierbmesiidduin.