MUITALUS: Loga mot dikšunvuoigatvuođat ollašuvvet geavadis

Stuđeantan EU/Eeg-riikkaid ja Šveicca olggobealde

Ná Timo gávuhii nuorvvu Chiles

Timo vuolgá lohkanjahkái stuđeret Chilei. Timo fallehallá háhppilis nurvui, mas ii áiggo mainnage buorránit. Timo diŋgo áiggi doaktárii, gii mearrida sutnje mearreáigásaš antibiohtadálkkasdikšuma ja vahku vuoiŋŋasteami. Vuolggedettiinis Timo oažžu doaktáris rehkega, man son ferte máksit ieš. Son ohca doaktárafitnama goluin buhtadusaid mátkedáhkádusastis.


Timo dikšunvuoigatvuođaid ákkat

Daningo Timo lohkamat leat EU-/Eeg-riikkaid ja Šveicca olggobealde, son ii sáhte atnit eurohpalaš buohccedikšungoartta. Timo gánnáha váldit mátkedáhkádusa, mii buhtte buohccedikšuma goluid. Muđuid buohccedikšumis šaddan golut bázále measta ollásit Timo iežas máksima várás.

Jos Timo ii livčče háhkan dáhkádusa ja de livččii fáhkka buohccán Chiles, de son livččii sáhttán ohcat iežas oažžun dikšumis Áel-buhtadusaid buohcanoadjolága mielde. Dát dárkkuha dan, ahte Timo livččii ožžon seamma buhtadusa go jos son livččii mannan Suomas priváhtadoaktáris. Geavadis dát buhtadusat leat oalle unnit.

Daningo Timo goitge hágai mátkedáhkádusa, de son oažžu buot buhtadusaid buohccámis njuolga dáhkádusfitnodagas.

Spiehkastat

Jos Timo vuolggáliinai lohkat Kanada Quebecii, de son livččii Suoma ja Kanada Quebeca sosiáladorvoortnega vuođul vuoiggalaš buohccedikšumii seamma ákkaiguin go báikkálaš orrut. Dalle son oaččulii dikšuma seamma hattiin go báikkálaš orrut. Timo gánnáha juohke dáhpáhusas váldit mátkedáhkádusa, daningo dat sáhttá buhttet ovdamearkka dihte ambulánsagirdima goluid.

Loga lasi