MUITALUS: Loga mot dikšunvuoigatvuođat ollašuvvet geavadis

Dáhpedorbmi luopmomátkkis Eurohpa olggobealde

Joona skohterbárti Thaieatnamis

Joona lea láigohan skohtera Thaieatnan-luomustis ja vuoddjá. Skohterreaisu oažžu morašlaš jorggaldaga, go Joona vuodjá heajos luotta nalde roggái ja gahččá skohtera nalde. Joona sealgi fatnala ja son deađvašuvvá giehtaruohttasii.

Joona dolvojuvvo ambulánssain dikšuma várás báikkálaš buohccevissui, gos son vásiha guokte beaivvi ja joatká dan maŋŋel iežas luomu. Buohcceviesus vuolggedettiinis Joona máksá ieš buot buohccedikšungoluid. Lihkus son lea váldán mátkki várás mátkedáhkádusa. Joona rádjá dikšunmávssuid guittiid ja ohcá mátkkis máhcadettiinis dikšungoluin buhtadusa dáhkádusfitnodagastis.


Joona dikšunvuoigatvuođaid ákkat

Vuoigatvuohta oažžut dikšuma eará sajes go EU/Eeg-riikkas, Šveiccas ja Austrálias vuođđuduvvá čuozáhatriikka láhkamearrádusaide. EU-riikkavuložis ii leat Eurohpa olggobealde automáhtalaččat vuoigatvuohta earái go hohpolaš buohccedikšumii, ja dábálaččat buot dikšungoluid šaddá máksit ieš. Mátkedáhkádusa váldin lea ávžžuhahtti.

Joona ii nappo oaččo Thaieatnamis dikšuma eurohpalaš buohccedikšungoarttain, iige sus leat automáhtalaččat vuoigatvuohta eará go hohpolaš buohccedikšumii.

Jos Joonas ii livčče mátkedáhkádus, de son sáhtálii ohcat iežas oažžun dikšumis Áel-buhtadusaid buohcanoadjolága mielde. Fáhkka buohccán EU/Eeg-riikkaid ja Šveicca olggobealde buhttejuvvo buohcanoadjolága mielde, dehege danveardásaččat go Áel buhtte priváhta dearvvašvuohtafuolahusa Suomas. Geavadis Joona oaččulii seamma buhtadusa go jos son livččii mannan Suomas dábálaš doaktára luhtte.

Joonas lea goitge mátkedáhkádus, mii gokčá Thaieatnama buohccedikšuma visot goluid. Son oažžu buhtadusaid njuolga dáhkádusfitnodagas ja dáhkádusfitnodat ohcá Áel:s buhtadusaid su beales buohcanoadjolága mielde.

Loga lasi