Oktavuohtadieđut

Jos hálidat dieđu dearvvašvuohtastašuvnna dehe buohcceviesu lonuheamis dehe bálvalanseđelis, váldde oktavuođa iežat dearvvašvuohtastašuvdnii dehe buohccedikšunbiirii. Jos du gažaldat guoská dearvvašvuohtabálvalusaid geavaheami olgoriikkain dehe ohcaleami dikšumii Supmii, váldde oktavuođa rájiid rasttildeaddji dearvvašvuohtafuolahusa kontáktačuoggái.


Jos čuojahat olgoriikkain, bija nummára ovdii +358 ja guođe nummára vuosttaš nollá eret.

Rájiid rasttildeaddji dearvvašvuohtafuolahusa kontáktačuokkis

Kontáktačuokkis juohká dieđu dearvvašvuohtafuolahusa bálvalusaid geavaheamis Suomas ja olgoriikkain, vuoigatvuođas buohccedikšumii sierralágán diliin, goluid buhttemis sihke eurohpalaš dálkkasmearrádusain. Kontáktačuokkis ii váldde vuostá dehe gieđahala ohcamušaid.

Áel, Rájiid rasttildeaddji dearvvašvuohtafuolahusa kontáktačuokkis
PL 80, 00056 KELA
yhteyspiste(at)kela.fi

Sosiála- ja dearvvašvuohtaministeriija

Sosiála- ja dearvvašvuohtaministeriija lea stáhtaráđi oassi. Ministeriija ovddasvástádussan lea sosiála- ja dearvvašvuohtapolitihka plánen, stivren ja ollašuhttin.

Sosiaali- ja terveysministeriö (STM)
(sámás: Sosiála- ja dearvvašvuohtaministeriija (SDM))
PL 33, 00023 Valtioneuvosto
Telefovdna 0295 16001
Fáksa 09 698 0709
kirjaamo(at)stm.fi
www.stm.fi

Dearvvašvuođa ja buresbirgejumi lágádus

DBL lea sosiála- ja dearvvašvuohtaministeriija hálddahussuorggis doaibmi dutkan- ja gárgehanlágádus, mii fállá dieđu dearvvašvuođa ja buresbirgejumi suorggi mearrádusdahkamii ja doaimma doarjjan.

Terveyden ja hyvinvoinnin laitos (THL)
(sámás: Dearvvašvuođa ja buresbirgejumi lágádus (DBL))
PL 30, 00271 Helsinki
Telefovdna 0295 246 000
kirjaamo(at)thl.fi
www.thl.fi

Álbmotealáhatlágádus

Áel dikšu Suomas ja olgoriikkain orruid vuođđodorvvu sierra eallindiliin. Áel:a dikšun sosiáladorvui gullet mánnábearrašiid doarjagat, buohcanoadju, veajuiduhttin, bargguhis olbmo vuođđodorvu, orrundoarjja, oahppodoarjja ja vuolimusealáhagat. Dasa lassin Áel fuolaha lápmásiid ovdamuniin, soalddátdoarjagiin sihke riikiifárrejeaddji doarjagis.

Álbmotealáhatlágádus (Áel)
Boastačujuhus www.kela.fi/postia-kelaan
Telefovdna www.kela.fi/palvelunumerot (olgoriikkain www.kela.fi/call-kela)
www.kela.fi

Mii ávžžuhit, ahte sáddet sáddaga, mii sisdoallá hearkkes dieđuid (ee. persovdnadovddaldat) Áel:ii dušše suddjejuvvon oktavuođain. Rávvagat suddjejuvvon rávdnjeboastta sáddemii gávnnat Áel:a fierbmesiidduin.