Jos du veajuiduhttindárbu lea šaddan johtalusvahágis, bargobárttis dehe ámmátdávddas, čielggat goluid buhtadusaid iežat dáhkádusfitnodagain. Áel ii govčča dákkár diliin vahágiid buhtadusaid.

Olgoriikkain addojuvvon veajuiduhttima buhtadusat

Sáhtát oažžut Áel:s buhtadusa maŋálgihtii nuppi EU- dehe Eeg-riikkas dehe Šveiccas oažžun dálkkodanveajuiduhttima goluide, jos leat ohcalan ovdamearkka dihte geavahit fysioterapiijabálvalusaid dehe leat buohccán fáhkkestaga ja leat máksán dikšuma dálkkodanveajuiduhttima goluid ieš.

Jos ohcalat nuppi EU- dehe Eeg-riikii dehe Šveicii oažžut dálkkodanveajuiduhttima dego fysioterapiija, golut buhttejuvvojit seamma ládje go danveardásaš Suoma priváhta dearvvašvuohtafuolahusas oažžun veajuiduhttimis.

Jos veajuiduhttin lea leamaš dikšuma addán EU- dehe Eeg-riikka dehe Šveicca láhkaásaheami ja dikšungeavada mielde dálkkasdieđalaččat vealtameahttun dikšun ja leat máksán dan goluid ieš, nu sáhtát oažžut buhtadusa eanemusat dan meari rádjái, mii livččii leamaš danveardásaš veajuiduhttima gollu du ruovttugieldda almmolaš dearvvašvuohtafuolahusas.

  • Dikšunaddi mearrida leago dálkkodanveajuiduhttin dálkkasdieđalaččat vealtameahttun dikšun.
  • Dikšunaddi mearrida maid, oaččutgo dálkkodanveajuiduhttima eurohpalaš buohccedikšungoarttain.
  • Dábálaččat veajuiduhttin ii leat dálkkasdieđalaččat vealtameahttun dikšun, itge sáhte oažžut dan eurohpalaš buohccedikšungoarttain.

Oza veajuiduhttimis šaddan goluide buhtadusa Áel:s

Jos don leat ohcalan oažžut dearvvašvuohtabálvalusaid, mat addojuvvojit veajuiduhttimin, eará báikái go EU- dehe Eeg-riikii dehe Šveicii, it oaččo buohcanoadjolága vuođul Áel:s buhtadusaid goluide.

Psykoterapiija olgoriikkain

Áel buhtte EU- ja Eeg-riikkain ja Šveiccas addojuvvon psykoterapiija goluid dušše, jos psykoterapiija lea addán doavttir. Buhtadusa vuođđun leat Áel:a buhtadusmáksomearit.

Olgoriikkain addojuvvon veajuiduhttinpsykoterapiija golut eai buhttejuvvo