Oaččut mieđušteaddji mátkegoluin buhtadusa, go dikšunbargoveahka lea árvvoštallan mieđušteaddji dárbbašlažžan buozalmasat vuođul. Mieđušteaddji mátkegolut buhttejuvvojit maid, jos bearašlahtu oassálastin du dikšumii lea vealtameahttun.

Jos buohcci lea vuolleahkásaš mánná, lea mieđušteaddji álohii vealtameahttun. Sierra čilgehus mieđušteaddji dárbbašlašvuođas ii dárbbašuvvo.

Dábálaččat buohccis lea okta mieđušteaddji. Muhtin sierradiliin sáhttet leat guokte mieđušteaddji, ovdamearkka dihte jos goappaš váhnemat mátkkošteaba mánáin buohccevissui, gos soai oaččuba dikšunrávvagiid ruovttudikšumis.

Doavttir galgá ákkastallat bearašlahtu dehe mieđušteaddji lassin nuppi olbmo dikšumii oassálastima vealtameahttunvuođa.

Áel buhtte mieđušteaddji goluid hálbbimus mátkkoštanvuogi mielde

Áel buhtte mieđušteaddji mátkegoluid dábálaččat dan mielde, maid mátki livččii máksán hálbbimus mátkkoštanvuogi geavahemiin. Jos vuolggát mátkái mieđušteddjiin seamma čujuhusas iežat biillain dehe dákssiin, mieđušteaddjái eai šatta buhttenvuloš mátkegolut.

Mieđušteaddji mátkebuhtadusat nuppi EU- dehe Eeg-riikii dehe Sveicii buhttejuvvojit dábálaččat duođalaš goluid ja hálbbimus almmolaš fievrru mielde, jos du dikšun ordnejuvvo

  • Áel:a mieđihan ovdalobi (skovvi S2) vuođul
  • almmolaš dearvvašvuohtafuolahusa oastinbálvalussan.

Oza mieđušteaddji goluide buhtadusaid Áel:s.