Jos sirdima fievrrideapmi dáhpáhuvvá vuosttaš sajis iežat dáhtu mielde, de dus lea dábálaččat alddát ovddasvástádus fievrridangoluin. Jos áššis lea sohppon ovddalgihtii, sirdima fievrrideami goluid sáhttá gokčat dehe daidda sáhttá oassálastit maid eará bealli, dego vuostáváldi buohcceviessu dehe dáhkádusfitnodat.

Duššefal jos don dikšojuvvot nuppi Davviriikkas almmolaš dearvvašvuohtafuolahusas, sáhttá sirdima fievrrideapmi Davviriikkalaš sosiáladorvosoahpamuša vuođul ordnejuvvot almmá dan haga, ahte mávssát ieš fievrridangoluid. Dikšunaddát čilge dalle sirdima fievrrideami ollašuhttima áššiid orodanriikka buohcanoadjolágádusain.

Áel buhtte buohcceviessosirdima goluid riikka ráji nalde, girdišiljus dehe hámmanis buohccevissui, mii lea Suomas. Buhtadusat sáhttet máksojuvvot dalle, go leat ieš máksán fievrrideami ollašuvvan goluid.

Buohcceviesuidgaskasaš sirdimat Suomas

Dikšunaddi sáhttá sirdit du joatkkadikšumii nuppi dikšunlágádussii Suomas. Jos don leat boahtán olgoriikkain Supmii ja don leat sisa čálihuvvon buohccin almmolaš dearvvašvuohtafuolahusas, de buohcceviessosirdin lea dutnje nuvttá čuovvovaš diliin

  • don leat oadjuduvvon buohcama várás nuppi EU- dehe Eeg-riikkas, Šveiccas dehe Austrálias ja dárbbašat dálkkasdieđalaččat vealtameahttun dikšuma gaskaboddasaš Suomas orodeamát áigge
  • don orut nuppi EU- dehe Eeg-riikkas dehe Šveiccas, muhto Suomas lea ovddasvástádus buohccedikšumat goluin
  • don leat ožžon dikšuma Suomas orrunriikkat mieđihan ovdalobiin (skovvi S2).

Jos don it leat buohccevissui sisa čálihuvvon buohcci, šattat ieš máksit sirdima fievrrideamis ollašuvvan goluid. Sáhtát ohcat dáidda mátkki goluide buhtadusa maŋálgihtii Áel:s dehe iežat buohcanoadjolágádusas.

Olbmo, gii lea guhkesáiggedikšumis, sirdin nuppi Davviriikkas

Jos don leat guhkesáigge lágádusdikšumis nuppi Davviriikkas dehe oaččut eará guhkesáigge sosiálabálvalusa áittardeami ja hálidat muotkut orrut Supmii, fárremat ordnema várás sáhttá heivet Davviriikkalaš sosiálabálvalussoahpamuš.

Soahpamuša ulbmilin lea dahkat vejolažžan bistevaš dikšuma dehe áittardeami dárbbašeaddji áššehasa fárrema dakkár riikii, gosa sus leat earenoamáš čatnasat. Soahpamuš guoská sosiálafuolahusa guhkesáigge dikšuma dehe áittardeami dárbbašeaddji áššehasa fárrema nuppi Davviriikkas Supmii.

Dikšumat ordnemis, dan goluin ja daid ovddasvástádusa sirdimis riikkas nubbái sohppojuvvo soahpamušas, mii guoská du fárrema. Soahpamuša dahket suopmelaš gieldda eiseváldi, gean ovddasvástádussan leat sosiálabálvalusat ja du orrungielda dehe dikšunaddi nuppi Davviriikkas. Goasttádusovddasvástádus sáhttá sirdásit fárrenbeaivve dehe dasa sáhttá sohppojuvvot ovdamearkka dihte guđa mánu sirddaáigi.

Soahpamušas sohppojuvvo dábálaččat maid, mii beliid máksá du mátkki ja mot du veahkeheamis fuolahuvvo mátkki áigge.