Sáhtát oažžut Áel:s buhtadusa iežat dikšuma Suomas ollašuvvan mátkegoluin, jos

  • orut bissovaččat dehe leat oadjuduvvon buohcama várás Suomas
  • don leat oadjuduvvon buohcama várás nuppi EU- dehe Eeg-riikkas, Šveiccas dehe Austrálias ja don leat ožžon dálkkasdieđalaččat vealtameahttun dikšuma gaskaboddasaš orodeamát áigge Suomas
  • don orut bissovaččat nuppi EU- dehe Eeg-riikkas dehe Šveiccas ja Suomas lea ovddasvástádus buohccedikšumat goluin (ealáhatolbmot)
  • don leat ožžon dikšuma Suomas iežat orrunriikka mieđihan ovdalobiin (skovvi E 112 dehe S2).

Sáhtát ohcat buhtadusa mátkegoluide Áel:s skoviin SV 4 guđa mánu siste máksimis.

Jos ohcalat dikšumii Supmii, govččat dábálaččat ieš dikšuma mátkegoluid

Jos ohcalat dikšumii Supmii nuppi EU-riikkas almmá ovdalobi (skovvi E 112 dehe S2) govččat álohii ieš dikšuma mátkegoluid sihke buohcceviessosirdima ollašuvvan goluin Suomas. Jos dutnje lea mieđihuvvon ovdalohpi (skovvi E 112 dehe S1) dikšuma várás, mii addojuvvo Suomas, sáhtát oažžut Áel:s buhtadusa Suomas ollašuvvan mátkegoluin maŋálgihtii seamma ládje go olmmoš, gii orru Suomas.

Jos nubbi EU- dehe Eeg-riika dehe Šveica ii govčča du buohccedikšuma goluid, govččat dábálaččat ieš dikšuma mátkegoluid.

Oaččut ambulánsagivtta iežasovddasvástádushaddái eurohpalaš buohccedikšungoarttain

Oaččut Suomas givtta ambulánssain ja gádjunhelikopteriin iežasovddasvástádushaddái, go čájehat iežat eurohpalaš buohccedikšungoartta ambulánssa bargiide. Jagi 2016 áššehasa iežasovddasvástádusossodat lea 2 euro.

Jos orut bissovaččat nuppi Davviriikkas, sáhtát čájehit eurohpalaš buohccedikšungoartta sajes maid identitehtaduođaštusa. Jos orut bissovaččat Ovttastuvvan gonagasriikkas, sáhtát čájehit eurohpalaš buohccedikšungoartta sajes maid pássa. Ambulánssa bargit dárbbašit dieđu du fásta orrunčujuhusas.

Jos orut bissovaččat Austrálias, sáhtát oažžut buhtadusa Áel:s ambulánsagivtta goluin maŋálgihtii Suoma ja Austrália gaskavuođa buohccedikšunsoahpamuša vuođul.

Stáhtaid rájiid rasttildeaddji mátkkit

Go ohcalat dikšumii Supmii, de don galggat ieš ordnet ja goasttidit iežat mátkki Supmii ja ruovttoluotta ruoktot. Áel ii buhtte mátkegoluid Suomas du ruovttueatnamii, muhto sáhtát ohcat goluide buhtadusa iežat buohcanoadjolágádusas.

Jos orut nuppi Davviriikkas ja šaddat buozalmasat geažil geavahit divrasit fievrru go lei álgoálggus ulbmil, sáhtát Davviriikkalaš sosiáladorvosoahpamuša vuođul oažžut Áel:s buhtadusa máhccanmátkkis ollašuvvan lassigoluide.