Sáhtát oažžut Áel:s buhtadusa iežat dikšuma geažil ollašuvvan mátkegoluin Suomas, jos

  • orut bissovaččat dehe leat oadjuduvvon buohcama várás Suomas
  • don leat oadjuduvvon buohcama várás nuppi EU- dehe Eeg-riikkas, Šveiccas dehe Austrálias ja don leat ožžon dálkkasdieđalaččat vealtameahttun dikšuma gaskaboddasaš orodeamát áigge Suomas
  • don orut bissovaččat nuppi EU- dehe Eeg-riikkas dehe Šveiccas ja Suomas lea ovddasvástádus buohccedikšumat goluin (ealáhatolbmot)
  • don leat ožžon dikšuma Suomas iežat orrunriikka mieđihan ovdalobiin (skovvi S2).

Sáhtát ohcat buhtadusa mátkegoluide Áel:s.

Jos ohcalat dikšumii Supmii, govččat dábálaččat ieš dikšuma mátkegoluid

Jos ohcalat dikšumii Supmii nuppi EU-riikkas almmá ovdalobi haga govččat álohii ieš dikšuma mátkegoluid sihke buohcceviessosirdima ollašuvvan goluin Suomas. Jos dutnje lea mieđihuvvon ovdalohpi (skovvi S2) dikšuma várás, mii addojuvvo Suomas, de sáhtát oažžut Áel:s buhtadusa Suomas ollašuvvan mátkegoluin maŋálgihtii seamma ládje go olmmoš, gii orru Suomas.

Jos du buohccedikšuma goluid gokčama ovddasvástádus lea eará riikkas go EU- dehe Eeg-riikkas dehe Šveiccas, de dus lea dábálaččat alddis ovddasvástádus gokčat dikšuma mátkegoluid.

Ambulánsafievrrideapmi

Oaččut Suomas fievrrideami ambulánssain ja gádjunhelikopteriin iežasovddasvástádushaddái, go čájehat iežat eurohpalaš buohccedikšungoartta ambulánssa bargiide.

Jos orut bissovaččat nuppi Davviriikkas, sáhtát čájehit eurohpalaš buohccedikšungoartta sajes maid identitehtaduođaštusa. Jos orut bissovaččat Ovttastuvvan gonagasriikkas dehe Davvi-Irlánddas, sáhtát čájehit eurohpalaš buohccedikšungoartta sajes maid pássa. Ambulánssa bargit dárbbašit dieđu du fásta orrunčujuhusas.

Jos orut bissovaččat Austrálias, sáhtát oažžut buhtadusa Áel:s ambulánsafievrrideami goluin maŋálgihtii Suoma ja Austrália gaskavuođa buohccedikšunsoahpamuša vuođul.

Stáhtaid rájiid rasttildeaddji mátkkit

Go ohcalat dikšumii Supmii, de don galggat ieš ordnet ja goasttidit iežat mátkki Supmii ja ruovttoluotta ruoktot. Áel ii buhtte mátkegoluid Suomas du ruovttueatnamii, muhto sáhtát ohcat goluide buhtadusa iežat buohcanoadjolágádusas.

Máhccanmátki nuppi Davviriikii

Sáhtát oažžut Áel:s buhtadusa, jos orut bissovaččat nuppi Davviriikkas ja don leat buohccán gaskaboddasaš Suomas orodeamát áigge ja šattat buozalmasat geažil geavahit iežat ruovttumátkái divrasit fievrru, go mii lei álgoálggus ulbmil. Eaktun lea, ahte leat orodan Suomas gaskaboddasaččat, ovdamearkka dihte luopmomátkkis.

Sáhtát ohcat maŋálgihtii buhtadusa Áel:.