Sáhtát oažžut Áel:s buhtadusa, jos orut bissovaččat nuppi Davviriikkas ja don leat buohccán gaskaboddasaš Suomas orodeamát áigge ja šattat buozalmasat geažil geavahit iežat ruovttumátkái divrasit fievrru, go mii lei álgoálggus ulbmil. Eaktun lea, ahte leat orodan Suomas gaskaboddasaččat, ovdamearkka dihte luopmomátkkis.

Sáhtát ohcat buhtadusa Áel:s skoviin SV 4.  Lavtte ohcamuššii doaktárduođaštusa, mas boahtá ovdan du dárbu geavahit buohccámat geažil plánejuvvon divrasit mátkkoštanvuogi. Golut buhttejuvvojit maŋálgihtii.

  • Sáhtát maid ohcat buhtadusa maŋálgihtii iežat buohcanoadjolágádusas. Davviriikkalaš sosiáladorvosoahpamuša vuođul Áel buhtte ruovttumátkkis ollašuvvan lassigoluid, jos it bastte geavahit plánejuvvon mátkkoštanvuogi ruovttumátkái nuppi Davviriikii.
  • Dárbbašat buhtadusohcamuša čuovusin mátkegoluin máksinguitte ja doaktárduođaštusa, mii lea čállojuvvon ovdal máhccanmátkki. Doaktárduođaštusas galgá boahtit ovdan, ahte dus lea dálkkasdieđalaččat ákkastallon dárbu geavahit ruovttumátkkis eará fievrru go álgovuolggalaš plána mielde.
  • Maiddái mieđušteaddji golut sáhttet buhttejuvvot, jos mieđušteaddji lea mátkkis dárbbašlaš. Mieđušteaddji dárbbašlašvuođas galgá leat máinnašupmi doaktárduođaštusas.