Jos don leat buohccán dehe dárbbašan dikšuma áhpehisvuođa dehe riegádahttima geažil nuppi EU- dehe Eeg-riikkas dehe Šveiccas, buhttejuvvojit du mátkkiin ollašuvvan golut lagamus dikšunbáikái čuozáhatriikkas. Áel:a lassin orodanriikanai  sáhttá muhtimin buhttet du mátkki iežasovddasvástádusa rádjái, jos dus lea eurohpalaš buohccedikšungoarta ja riikka láhkaásaheapmi dahká vejolažžan mátkegoluid. Sáhtát diđoštallat ášši čuozáhatriikka buohcanoadjolágádusas.

Jos don dárbbašat joatkkadikšuma dakkaviđe go máhcat Supmii, buhttejuvvo Suomas dahkkon mátkeoassi ruovttueatnama girdistašuvnnas, hámmanis dehe riikka ráji nalde lagamus dikšunbáikái, gos don livččet sáhttán oažžut dárbbašlaš dutkama ja dikšuma.

Jos don leat buohccán fáhkkestaga olgoriikkain, it oaččo mátkebuhtadusaid mátkkis olgoriikkain Supmii. Eará báikkis go EU- dehe Eeg-riikkas dehe Šveiccas šaddan mátkegolut eai buhttejuvvo.

Sáhtát ohcat Áel:s buhtadusa olgoriikkain ollašuvvn mátkegoluin.

Máhccanmátki nuppi Davviriikkas

Sáhtát oažžut buhtadusa iežat ruovttumátkki dagahan lassigoluin, jos buohccát nuppi Davviriikkas ja šattat geavahit máhccanmátkái divrasit fievrru go lei álgoálggus ulbmil.

Orodanriikkat buohcanoadjolágádus buhtte du ruovttumátkki lassigoluid, jos don leat buohccán nuppi Davviriikkas ja leat ožžon doppe buohccedikšuma. Buhtadusat máksojuvvojit, jos don šattat doaktárduođaštusa vuođul geavahit ruovttumátkái álgovuolggalaš plána divrasit mátkkoštanvuogi dehe jos dutnje šaddet eará lassigolut buozalmasa geažil. Jos ovdamearkka dihte it sáhte rievdadit juo diŋgojuvvon bileahta ja šattat oastit ođđasa, de sáhtát oažžut buhtadusa.

Buozalmasa dagahan divrasit mátkkoštanvuogi golut buhttejuvvojit maid, jos ruovttu sajes mátkkoštat njuolga almmolaš dearvvašvuohtafuolahussii Suomas.

Čielggat buhtadusa ohcama orodanriikkat buohcanoadjolágádusas ovdal ruovttumátkki. Sáhtát ohcat buhtadusaid maid maŋálgihtii Áel:s.

Mátkkit Norgga ja Ruoŧa ráji nalde

Jos orodat Suoma ja Ruoŧa dehe Suoma ja Norgga rádjeguovllus ja dárbbašat dálkkasdieđalaččat vealtameahttun dikšuma, beasat rádjeguovllus buohccevissui Ruoŧas ja Norggas.

Oaččut Áel:s maŋálgihtii buhtadusaid mátkegoluide dárbbašlažžan gehččojuvvon mátkkoštanvuogi mielde.