Suomas gielddaid ovddasvástádussan leat dábálepmosit veahkkegaskaomiid luobaheapmi gieldda orruide. Maiddái Áel, dáhkádus- ja bargoealáhatlágádusat, bargohálddahus ja Stáhtakantuvra goasttidit veahkkegaskaoapmebálvalusaid, mat leat daid ovddasvástádussan. Suomas veahkkegaskaoapmebálvalusat leat áššehasaide dábálaččat nuvttá.

Almmolaš dearvvašvuohtafuolahusa veahkkegaskaoapmebálvalusat leat gieldda orrui nuvttá. Dábálaččat it dárbbaš maid veahkkegaskaoami dehe dan fuolahusa, divvuma dehe ođasteami goluid. Jos veahkkegaskaoami dárbbu lea dagahan bargodáhpedorbmi, ámmátdávda, soalddátváddu, johtaluslihkohisvuohta dehe buohccevahát, sáhttá 1.1.2016 rájes dálkkodanveajuiduhttima veahkkegaskaoamis ja dan stellemis, ođasteamis ja fuolahusas berrojuvvot áššehasmáksu.

Olgoriikkain dus lea dábálaččat alddát ovddasvástádus buot veahkkegaskaoami dehe dan geavahusa goluin. Geavadat veahkkegaskaomiid doaimmaheapmái olgoriikkaide molsašuddet riikaguovdasaččat. Áel ii buhtte áššehassii goluid, mat šaddet veahkkegaskaomiin.

Jos oaččut dikšuma nuppi EU- dehe Eeg-riikkas dehe Šveiccas eurohpalaš buohccedikšungoarttain, sáhtát oažžut dikšunaddis iežat dárbbašan veahkkegaskaoami geavahussásat dikšuma oassin. Dalle it dábálaččat dárbbaš ieš máksit veahkkegaskaoami goluid, muhto dain berrojuvvo rehket goartta vuođul dikšungoluidat oassin.

Áel dehe almmolaš dearvvašvuohtafuolahus ii buhtte olgoriikkain goluid, mat šaddet veahkkegaskaoami dehe dan háhkama, geavahusa, fuolahusa dehe divvuma dagahan goluid.