Jos su veajuiduhttindárbu lea šaddan johtaluslihkohisvuođas, bargodáhpedorpmis dehe ámmátdávddas, čielggat goluid buhtadusaid iežat dáhkádusfitnodagain. Áel ii govčča dákkár diliin vahágiid buhtadusaid.

Veajuiduhttima buhtadusat buohcanoadjolága vuođul

Sáhtát oažžut Áel:s buhtadusa maŋálgihtii iežat nuppi EU- dehe Eeg-riikkas dehe Šveiccas oažžun dálkkodanveajuiduhttima goluide, jos leat ohcalan ovdamearkka dihte geavahit fysioterapiijabálvalusaid dehe leat buohccán fáhkkestaga ja leat máksán dikšuma dálkomaveajuiduhttima goluid ieš.

Jos ohcalat nuppi EU- dehe Eeg-riikii dehe Šveicii oažžut dálkkodanveajuiduhttima dego fysioterapiija, golut buhttejuvvojit seamma ládje go danveardásaš Suoma priváhta dearvvašvuohtafuolahusas oažžun veajuiduhttimis.

Jos veajuiduhttin lea leamaš dikšuma addán EU- dehe Eeg-riikka dehe Šveicca láhkaásaheami ja dikšungeavada mielde dálkkasdieđalaččat vealtameahttun dikšun ja leat máksán dan goluid ieš, sáhtát oažžut buhtadusa eanemusat dan meari rádjái, mii livččii leamaš danveardásaš veajuiduhttima gollu du ruovttugieldda almmolaš dearvvašvuohtafuolahusas.

  • Dikšunaddi mearrida leago dálkkodanveajuiduhttin dálkkasdieđalaččat vealtameahttun dikšun.
  • Dikšunaddi mearrida maid, oaččutgo dálkkodanveajuiduhttima eurohpalaš buohccedikšungoarttain.
  • Dábálaččat veajuiduhttin ii leat dálkkasdieđalaččat vealtameahttun dikšun, itge sáhte oažžut dan eurohpalaš buohccedikšungoarttain.

Oza veajuiduhttimis šaddan goluide buhtadusa Áel:s guđa mánu siste máksimis skoviin SV 128.

Jos don leat ohcalan oažžut dearvvašvuohtabálvalusaid, mat addojuvvojit veajuiduhttimin, eará báikái go EU- dehe Eeg-riikii dehe Šveicii, it oaččo buohcanoadjolága vuođul Áel:s buhtadusaid goluide.

Lossaváttogiid dálkkodanveajuiduhttin

Áel buhtte dihto eavttuid mielde veajuiduhttinlága vuođul olgoriikkain addojuvvon Áel:a ordnengeatnegasvuođa ollái gullevaš veajuiduhttima. Veajuiduhttimis šaddan goluid buhtten maŋálgihtii veajuiduhttinlága vuođul gáibida, ahte buvttát ovdan Áel:ii dieđuid olgoriikkain addojuvvot áigojuvvon veajuiduhttima sisdoalus ja bálvalanbuvttadeaddjis. Veajuiduhttin buhttejuvvo sierra vuogi mielde dan vuođul, leago veajuiduhttin addojuvvon EU-riikkas vai eará riikkas.

Sáhtát oažžut buhtadusa nuppi EU-riikkas addojuvvon veajuiduhttimis, go

  • veajuiduhttin danveardásažžan Suomas addojuvvon dálkkodeapmin livččii gullan Áel:a ordnengeatnegasvuođa ollái
  • veajuiduhttin vuođđuduvvá almmolaš dearvvašvuohtafuolahusa ovttadagas dehe danveardásaš olgoriikkalaš dikšunovttadagas ráhkaduvvon 1–3 jagi áigái ráhkaduvvon veajuiduhttinplánii
  • olgoriikkain addojuvvon veajuiduhttin dávista Áel:a veajuiduhttinlágas meroštallojuvvon veajuiduhttima sisdollui ja viidodahkii ásahuvvon gáibádusaide
  • veajuiduhttin addojuvvo gielain, man hálddašat
  • leat ožžon Áel:s miehtemielalaš veajuiduhttinmearrádusa.

Veajuiduhttin buhttejuvvo dábálaččat áramusat dan mánu álggus, goas guđđet ohcamuša Áel:ii. Earenoamáš ákka geažil veajuiduhttin sáhttá goitge buhttejuvvot guhkit áiggis, ja olgoriikkain orodeapmi sáhttá leat dákkár earenoamáš ágga. Veajuiduhttin ii goitge buhttejuvvo guhki áiggis go guđa mánu áiggis ovdal dan ohcama.

Sáhtát oažžut buhtadusaid maid eará báikkis go EU-riikkas lossaváttogiid dálkkodanveajuiduhttimin ollašuhtton terapiijan. Dát gáibida ovdal logahallojuvvon eavttuid lassin, ahte danveardásaš veajuiduhttin ii leat oažžunsajis Suomas dehe dan buhttemii lea eará earenoamáš ágga.

Olgoriikkain addojuvvon veajuiduhttimis ollašuvvan goluid buhttejuvvojit eanemusat dan meari rádjái, mii livččii addojuvvon Áel:a veajuiduhttinlága mielde Suomas. Buot diliin dutnje buhttejuvvojit eanemusat du máksin duođalaš golut.

Oza olgoriikkain veajuiduhttimis, mii addojuvvo olgoriikkain, buhtadusa maŋimusat guđa mánu siste bálvalusa addimis dehe máksimis.

Psykoterapiija olgoriikkain

Áel buhtte buohcanoadjolága vuođul EU- ja Eeg-riikkain ja Šveiccas addojuvvon psykoterapiija goluid.

  • Buohcanoadjolága vuođul buhtadusat máksojuvvojit dušše, jos psykoterapiija lea addán doavttir.

Olgoriikkain addojuvvon veajuiduhttinpsykoterapiija golut eai buhttejuvvo Áel:a veajuiduhttinlága vuođul.