Vuolggasadji olgoriikkain lea, ahte áššehas máksá ieš iežas oažžun dikšuma goluid. EU-láhkaásaheapmi ja Suoma dahkan riikkaidgaskasaš sosiáladorvosoahpamušat sáhttet earáhuhttit dili dađi lági mielde, ahte it šatta ieš máksit buot dikšungoluidat. Mávssát dikšumis seamma áššehasmávssu go báikkálaš orrut, jos

  • oaččut EU- ja Eeg-riikkas, Stuora-Británnias ja Sveiccas dálkkasdieđalaččat vealtameahttun dikšuma eurohpalaš buohccedikšungoarttain dehe goartta gaskaboddasaččat buhttejeaddji duođaštusain
  • don leat ožžon Kela mieđihan ovdalobi dikšuma várás, mii addojuvvo nuppi EU- dehe Eeg-riikkas, Stuora-Británnias dehe Sveiccas
  • almmolaš dearvvašvuohtafuolahus lea ordnen du dikšuma olgoriikkain  ja lea sohppon, ahte mávssát juogo báikkálaš dehe Suoma dearvvašvuohtafuolahusa áššehasmávssu
  • orut nuppi EU- dehe Eeg-riikkas dehe Sveiccas ja leat registreren iežat orrunriikkat buohcanoadjolágádusas Kela mieđihan dikšunriekteduođaštusain
  • buohccát gaskaboddasaš Austrálias orodeamát áigge ja oaččut dikšuma báikkálaš almmolaš dearvvašvuohtafuolahusas
  • don leat gaskaboddasaš bargin, stuđeantan dehe dutkin Québecis ja dus lea Kela dehe Ealáhatdorvoguovddáža mieđihan duođaštus, mii lear registrerejuvvon.

Govččat dábálaččat álohii ieš dikšungoluid, jos oaččut dikšuma eará báikkis go EU- dehe Eeg-riikkas, Stuora-Británnias dehe Sveiccas.

Dikšuma olles golut sáhttet čohkiidit máŋggain sierra áššiin

Dikšungolut olgoriikkain dollet sisttisteaset dábálaččat visot dikšungoluid, dego dikšunbargoveaga  barggu ja eará bargoveahkabálvalusaid sihke sajiid, mállásiid, čorgema, buohcceviesso- ja liidnebiktasiid goluid. Máksu sáhttá berrojuvvot sierra maid buot dikšuma dikšundárbašiin ja -doaibmabijuin sihke dálkasiin. Dikšuma rehketbearranvuloš golut leat dábálaččat maid dábálaččat dulkoma ja buohcceáššegirjjiid jorgalangolut.

Buhtadusa ohcan

Oza olgoriikkain addojuvvon dikšuma goluin buhtadusa Kelas, jos don leat máksán buot goluid ieš.

Mátke- ja eará priváhtadáhkádus sáhttá buhttet olgoriikkain šaddan dikšungoluid. Dáhkádusfitnodat sáhttá buhttet goluid njuolga dikšunaddái dehe maŋálgihtii máksinguitte vuođul. Čielggat goluid buhttema dáhkádusfitnodagas.