Áel máksá buohccedikšunbuhtadusaid

  • doaktára ja bátnedoaktára bálkkašumiin
  • doaktára ja bátnedoaktára mearran dutkama ja dikšuma goluin
  • doaktára mearran dálkasiid goluin
  • mátkkiid goluin, mat laktásit buozalmasa dikšumii.

Bálkkašumiid, dutkama ja dikšuma vuođđun lea buhtadusmearremáksu, mii muitala buhtadusa meari. Dábálaččat du máksin gollu lea buhtadusmearremávssu stuorit.

Buohccedikšunbuhtadusain adnojuvvo dávjá hupmangiela dajaldat Áel-buhtadus.

1.3.2016 rájes Áel buhtte maid dikšuma, mii addojuvvo gáiddusbálvalussan. Gáiddusbálvalusain dárkkuhuvvojit buohccedikšuma bálvalusat, mat addojuvvojit videooktavuođa bakte.

Oaččut njuolggobuhtadusa Áel-goarttain

Dávjá oaččut buhtadusa juo njuolga doaktára vuostáváldimis go čájehat iežat Áel-goartta. Njuolggobuhtadus adnojuvvo ovdamearkka dihte doaktára, bátnedoaktára ja njálbmehygienistta bálkkašumiid sihke dutkama ja dikšuma buhttemis. Dalle bálvalanbuvttadeaddji geahpida njuolga Áel:a máksin buhtadusa meari rehkegis, mii berrojuvvo dus. Buhtadusa oaččut njuolga maid dálkkasoastimiin apteaikkas.

Jos mávssát priváhta dearvvašvuohtafuolahusa bálvalanbuvttadeaddjái ieš oba rehkega, oza Áel:s buhtadusa guđa mánu siste máksimis

  • skoviin SV 127 bálkkašumiid, dutkama ja dikšuma goluin
  • skoviin SV 4 dehe Áel:a áššiid dikšunbálvalusas mátkkiid, idjademiid ja mieđušteaddji goluin
  • skoviin SV 128 dálkasiid goluin
  • skoviin SV 128 olgoriikkain ollašuvvan dikšuma, dálkasiid ja mátkkiid goluin.

Ohcanskoviid gávdnojit siiddus www.kela.fi/lomakkeet.

Áel nanne buohccedikšunbuhtadusaid buhttenmearremávssuid

Áel nanne buohccedikšunbuhtadusaid buhttenmearremávssuid. Dat vuođđuduvvet dutkan- ja dikšundoaibmabiju šládjii, dan gáibidan bargui ja dagahan gollui, buhttenvuloš bálvalusa dikšuma árvui ja buhtadusaide daid váriid mielde, mat leat anus.

Buohccedikšunbuhtadusaid ii sáhte oažžut ovdamearkka dihte

  • priváhta lágádusaid bearran doaimmahatgoluide
  • čuohpaduslatnjamávssuide
  • buohcceviesuid dikšunbeaivemávssuide
  • poliklinihkkamávssuide
  • ovddalgihtii eastadeaddji dikšuma mávssuide (earret bátnedikšuma).

Jagi 2016 buohcanoadjolága mielde buohccedikšuma buhtadusat máksojuvvoje 3,8 miljovnna áššehassii oktiibuot sulaid 1,84 miljovnna euro. Gaskamearálaš buhtadus lei sulaid

  • 73 proseantta áššehassii ollašuvvan dálkkasgolus
  • 18 proseantta áššehassii ollašuvvan doaktára bálkkašumi golus
  • 16 proseantta áššehassii ollašuvvan bátnedikšuma golus
  • 15 proseantta áššehassii ollašuvvan dutkama ja dikšuma golus
  • 86 proseantta áššehassii ollašuvvan mátkegolus.