Sáhtát oažžut Áel:s buhtadusa priváhta dearvvašvuohtafuolahusa goluide sihke dikšuma dálkkas- ja mátkegoluide, jos

  • don leat oadjuduvvon buohcama várás Suomas dehe jos Suomas lea ovddasvástádus du buohccedikšuma goluin EU-láhkaásaheami mielde.
  • don leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge ja buohccedikšumat goluid ovddasvástádus lea nuppi EU- dehe Eeg-riikkas dehe Šveiccas
  • don leat ohcalan dikšumii Supmii iežat orrunriikka mieđihan ovdalobiin (skovvi E 112 dehe S2)
  • don leat boahtán nuppi EU- dehe Eeg-riikkas dehe Šveiccas bargat Suomas ja don leat oadjuduvvon bargoealáhaga várás Suomas, muhto orut olgoriikkain.
  • don leat boahtán Supmii Kanada Quebecas sáddejuvvon bargin, dutkin dehe stuđeantan ja leat registreren iežat Áel:s.

Jos leat boahtán Supmii ulbmiliinnát geavahit dearvvašvuohtabálvalusaid, iige dus leat iežat orrunriikka mieđihan ovdalohpi (skovvi E 112 dehe S2), sáhtát ohcat buhtadusa dikšuma dagahan goluide iežat buohcanoadjolágádusas.

Jos dutnje lea mieđihuvvon ovdalohpi (skovvi E 112 dehe S2) dikšuma várás, mii addojuvvo Suomas, ja don leat ožžon dikšuma priváhta dearvvašvuohtafuolahusas, sáhtát oažžut buhtadusa dikšungoluide Áel:s seamma ákkaiguin go Suomas buohcama várás oadjuduvvon olbmot.

Áel ii buhtte goluid, mat leat šaddan almmolaš dearvvašvuohtafuolahusas.

Áel buhtte priváhta dearvvašvuohtafuolahusa goluid ja dálkkas- ja mátkebuhtadusaid, mat laktásit dikšumii

Áel buhtte oasi

  • priváhtadoaktárbálkkašumiin ja priváhtadoaktára mearran dutkan- ja dikšungoluin
  • priváhta bátnedoaktára ja njálbmehygienistta bálkkašumiin sihke bátnedoaktára mearran dutkangoluin
  • dálkkasgoluin
  • mátkegoluin buohccedikšumii.

Buhtadusa ohcan dikšungoluide, mat leat šaddan Suomas

Oza buohccedikšungoluid maŋálgihtii Áel:s, jos geavahusastat ii leat Áel-goarta dehe eará dikšunriekteduođaštus, mas oččošit buhtadusa njuolga bálvalanbuvttadeaddjis.

Jos don leat ožžon dálkkasdieđalaččat vealtameahttun dikšuma gaskaboddasaš Suoma orodeamát áigge ja nuppi EU- dehe Eeg-riikkas dehe Šveiccas lea ovddasvástádus du buohccedikšuma goluin, nu sáhtát ohcat buhtadusa maŋálgihtii juogo Áel:s dehe iežat buohcanoadjolágádusas.

Oza buhtadusaid Áel:s guđa mánu siste máksimis.

  • Dikšungoluin ohccojuvvo buhtadus skoviin SV 127
  • Dálkkasgoluin ohccojuvvo buhtadus skoviin SV 178
  • Dikšuma mátkegoluin ohccojuvvo buhtadus skoviin SV 4.

Lavtte ohcamuššii

  • čilgehusa doaktára dehe bátnedoaktára addin dikšumis ja berrojuvvon bálkkašumiin
  • dutkan- ja dikšunmearramiid
  • apteaikka addin čilgehusa dálkkasoastimiin
  • kopiija iežat dikšunriekteduođaštusas

Doaimmat ohcamuša Áel:ii reiveboasttas. Sáhtát doaimmahit čuvvosiid maiddái Áel:a áššiid dikšunbálvalusas.

Njuolggobuhtadus

Sáhtát oažžut Áel-buhtadusa njuolggobuhtadussan

  • ambulánsagivttaheamis, jos dus lea nuppi EU- dehe Eeg-riikka dehe Šveicca mieđihan eurohpalaš buohccedikšungoarta. Mávssát givttaheamis dušše iežasovddasvástádushatti (25 euro).
  • priváhta doavtterstašuvnnain, dálkkasostosiin apteaikkas sihke ambulánsagivttaheamis, jos geavahusastat lea ealáhatolbmo eurohpalaš buohccedikšungoarta dehe Áel:a mieđihan Duođaštus vuoigatvuođas dikšunovdamuniide Suomas, jos vuoigatvuohta njuolggobuhtadussii lea nannejuvvon.