• Jos orut nuppi Davviriikkas, de sáhtát čájehit maid identitehtaduođaštusa.
  • Juos don boađát Stuora-Británnias dehe Davvi-Irlánddas, čujut iežat vuoigatvuođa dikšumii juogo Stuora-Británnias EU-lahttuvuođa dehe brexita sirddaáigge mieđihuvvon eurohpalaš buohccedikšungoarttain, ”Citizens Rights” -goarttain dehe GHIC-goarttain (Global Health Insurance Card).
  • Jos orut Austrálias, de oaččut dálkkasdieđalaččat vealtameahttun dikšuma go čájehat pássa.
  • Jos orut Kanada Québecis ja dus lea gaskaboddasaš bargama dehe stuđerema vuođul mieđihuvvon Duođaštus vuoigatvuođas dikšunovdamuniide Suomas, de oaččut dikšuma áššehasmávssuin, go čájehat duođaštusa.

Eurohpalaš buohccedikšungoarta, identitehtaduođaštus dehe pássa galgá leat fámus dalle, go dutnje addojuvvo dikšun.

Jos dus ii leat eurohpalaš buohccedikšungoarta dehe eará dikšunriekteduođaštus, dus lea alddát ovddasvástádus Suomas addojuvvon dikšuma goluin. Dáhkádusfitnodat sáhttá buhttet goluid, jos dus lea priváhtadáhkádus buohcangoluid várás.

Jos dus ii leat eurohpalaš buohccedikšungoarta

Sáhtát sihtat eurohpalaš buohccedikšungoartta iežat buohcanoadjolágádusas. Jos dus ii leat goarta dehe jos dat lea ovdamearkka dihte láhppon, sáhtát bivdit iežat buohcanoadjolágádusas duođaštusa, mii buhtte dan.

Sáhtát ohcat buhtadusa maŋálgihtii, jos leat máksán goluid ieš

Kela buhtte Suoma priváhta dearvvašvuohtafuolahusas šaddan dikšungoluid sihke dikšuma dálkkas- ja mátkegoluid, jos du buohccedikšuma goluid ovddasvástádus lea nuppi EU- dehe Eeg-riikkas, Stuora-Británnias, Sveiccas dehe Austrálias dehe jos leat boahtán Supmii Kanada Québecia sáddejuvvon bargin, dutkin dehe stuđeantan ja leat registreren iežat Kelas.

Kela ii buhtte almmolaš dearvvašvuohtafuolahussii du máksin goluid.

  • Jos leat máksán ieš Suoma almmolaš dearvvašvuohtafuolahusas dálkkasdieđalaččat vealtameahttun dikšuma goluid, sáhtát ohcat maŋálgihtii buhtadusa iežat buohcanoadjolágádusas.
  • Jos geahčat, ahte don livččet galgan oažžut dikšuma áššehasmávssuin, sáhtát vuosttaš sajis sihtat dikšunaddi njulget rehkega. Čájet dikšunaddái iežat gustojeaddji eurohpalaš buohccedikšungoartta dehe eará dikšunriekteduođaštusa.