Jos sirddafievrrideapmi dáhpáhuvvá vuosttaš sajis iežat dáhtu mielde, dus lea dábálaččat alddát ovddasvástádus fievrridangoluin. Jos áššis lea sohppon ovddalgihtii, sirddafievrrideami goluid sáhttá gokčat dehe daidda sáhttá oassálastit maid eará bealli, dego vuostáváldi buohcceviessu dehe dáhkádusfitnodat.

Duššefal jos don dikšojuvvot nuppi Davviriikkas almmolaš dearvvašvuohtafuolahusas, sáhttá sirddafievrrideapmi Davviriikkalaš sosiáladorvosoahpamuša vuođul ordnejuvvot almmá dan haga, ahte mávssát ieš fievrridangoluid. Dikšunaddát čilge dalle sirddafievrrideami ollašuhttima áššiid orodanriikka buohcanoadjolágádusain.

Áel buhtte buohcceviessosirdima goluid buohcanoadjolága vuođul dušše, jos mávssát ieš buot fievrrideami goasttádusaid.

Olbmo, gii lea guhkesáiggedikšumis, sirdin nuppi Davviriikkas

Jos don leat guhkesáigge lágádusdikšumis nuppi Davviriikkas dehe oaččut eará guhkesáigge sosiálabálvalusa áittardeami ja hálidat muotkut orrut Supmii, fárremat ordnema várás sáhttá heivet Davviriikkalaš sosiálabálvalussoahpamuš.

Soahpamuša ulbmilin lea dahkat vejolažžan bistevaš dikšuma dehe áittardeami dárbbašeaddji áššehasa fárrema dakkár riikii, masa sus leat earenoamáš čatnasat. Soahpamuš guoská sosiálafuolahusa guhkesáigge dikšuma dehe áittardeami dárbbašeaddji áššehasa fárrema nuppi Davviriikkas Supmii.

Dikšumat ordnemis, dan goluin ja daid ovddasvástádusa sirdin riikkas nubbái sohppojuvvo soahpamušas, mii guoská du fárrema. Soahpamuša dahkaba suopmelaš gieldda eiseváldi, gean ovddasvástádussan leat sosiálabálvalusat ja du orrungielda dehe dikšunaddi nuppi Davviriikkas. Goasttádusovddasvástádus sáhttá sirdásit fárrenbeaivve dehe dasa sáhttá sohppojuvvot ovdamearkka dihte guđa mánu sirddaáigi.

Soahpamušas sohppojuvvo dábálaččat maid, mii beliid máksá du mátkki ja mot du veahkeheamis fuolahuvvo mátkki áigge.