Hoitopaikanvalinta.fi  oahpásnuhttojuvvo Gieldamárkaniin 13.–14.9.2017

11.9.2017


Rájiid rasttildeaddji dearvvašvuohtafuolahusa kontáktačuokkis oahpásnuhttá www.hoitopaikanvalinta.fi -fierbmebálvalusa (sámás: https://saame.hoitopaikanvalinta.fi ) gieldasuorggi ámmátolbmuid dáhpáhusas Gieldamárkaniin.

Hoitopaikanvalinta.fi-fierbmebálvalus lea diehtobáhkka dearvvašvuohtabálvalusaid geavahusas Suomas ja olgoriikkain, buohcci vuoigatvuođain ja dikšungoluid buhtadusain. Suoma-, ruoŧa-, eŋgelas- ja sámegillii buvttaduvvon siiddut fállet dieđu riikkavuložiidda, dearvvašvuohtafuolahusa bargiide ja eiseválddiide.

Gieldamárkaniin galledeaddjit sáhttet oahpásnuvvat Hoitopaikanvalinta.fi-fierbmebálvalussii ja Rájiid rasttildeaddji dearvvašvuohtafuolahusa kontáktačuoggá bargui 2. gearddi čájáhusbáikkis S25. Suoma Gieldalihtu ja Gieldabláđi lágidan Gieldamárkanat čohkke sulaid 7 000 almmushálddahusa ámmátolbmo Gieldadállui 13.-14.9.2017. Buresboahtin galledit ossodagasteamet!

Diehtu dearvvašvuohtabálvalusaid geavahusas Suomas ja olgoriikkain

Hoitopaikanvalinta.fi fállá gokčevaččat dieđu sihke álbmotlaš dearvvašvuohtafuolahusa válljenfriddjavuođas ja rájiid rasttildeaddji dearvvašvuohtafuolahusas. Siidduide leat earret eará čohkkejuvvon diehtu priváhta dearvvašvuohtabálvalusaid hattiin Suomas sihka govvádusat badjel 50 riikka dearvvašvuohtabálvalusain.

– Rájiid rasttildeaddji dearvvašvuohtafuolahusa kontáktačuokkis oahpista áššehasaidis nu dearvvašvuohtabálvalusaid geavahusas olgoriikkain go Supmii boahtti buhcciid dearvvašvuohtafuolahusa gažaldagain. Hoitopaikanvalinta.fi lea min guovddášlaččamus bálvalankanálain, man lassin bálvalit maid šleađgaboastta bakte, dadjá kontáktačuoggá hoavda Marika Lahtivirta.

Juohke Eurohpa uniovnna lahttoriikkas lea iežas rájiid rasttildeaddji dearvvašvuohtafuolahusa kontáktačuokkis. Našuvnnalaš kontáktačuoggáid ovddasvástádus lea rájiid rasttildeaddji dearvvašvuohtafuolahusa kommunikašuvnnas ja dieđuidlonohallamis. Suomas kontáktačuokkis lea biddjon Áel:ii, man organisašuvnnas dat lea doaibman vuođđudeamis dehege jagi 2014 rájes. Kontáktačuokkis lea Áela riikkaidgaskasaš áššiid máhttoguovddáža doaimma oassi.

Lassidieđut mediai:
Annamari Qvist, kommunikašuvdnaplánejeaddji, Rájiid rásttildeaddji dearvvašvuohtafuolahusa kontáktačuokkis, tel. 050 551 8498, ovdanamma.goargu@kela.fi