Jos oaččut Suomas oažžun dikšuma maŋŋel joatkkadikšuma olgoriikkain, doaimmat iežat dikšuma buohcceáššegirjjiid beallái, mas lea ovddasvástádus du joatkkadikšumis. Oaččut Suomas buohcceáššegirjjiid dábálaččat suoma- dehe ruoŧagillii. Jorgalahte dárbbu mielde áššegirjjiid eará gillii.

Joatkkadikšumis sáhttá leat gažaldat ovdamearkka dihte veajuiduhttimis, maŋŋedárkkástusas dehe laboratoriaseasus dehe eará dálkkasdieđalaš čuovvumis.

Go oaččut joatkkadikšuma olgoriikkain, de dat addojuvvo čuozáhatriikka dikšungeavada ja láhkaásaheami mielde.

Dálkkasdieđalaččat vealtameahttun dikšun Suomas

Oaččut iežat dárbbašan joatkkadikšuma seamma ládje go dat geat orrot Suomas, jos leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge eurohpalaš buohccedikšungoarttain. Oaččut dikšuma almmolaš dearvvašvuohtafuolahusas gieldalačča áššehasmávssuin, go čájehat eurohpalaš buohccedikšungoartta dikšunaddái.

Sáhtát ohcat buhtadusa priváhta buohccedikšuma goluide maŋálgihtii Áel:s skoviin SV 127 guđa mánu siste máksimis dehe iežat buohcanoadjolágádusas.

Jos ohcalat dikšumii Supmii, don govččat maid ieš joatkkadikšuma goluid

Jos don leat boahtán Supmii ulbmiliin geavahit dearvvašvuohtabálvalusaid, iige dus leat orrunriikkat mieđihan ovdalohpi  (skovvi E 112 dehe S2), govččat dábálaččat ieš maid joatkkadikšuma goluid. Sáhtát ohcat goluide buhtadusa maŋálgihtii iežat buohcanoadjolágádusas.

Jos dutnje lea mieđihuvvon ovdalohpi (skovvi E 112 dehe S2) dikšuma várás, mii addojuvvo Suomas, oaččut joatkkadikšuma seamma áššehasmávssuin go dat, geat orrot Suomas.

Dikšuma komplikašuvnnat

Dikšuma komplikašuvdna sáhttá máksit, ahte buohcci dárbbaša eanet gáibideaddji dikšuma, go mii lei álgoálggus plánejuvvon. Su sáhttá šaddat dikšut ovdamearkka dihte beaktoossodagas dehe buohccái sáhttet galgat dahkkot ođđa čuohpadusat. Komplikašuvnnat sáhttet guhkidit dikšunáiggi ja lasihit dikšuma goluid.

Dikšuma komplikašuvdna sáhttá dárkkuhit, ahte dikšumii ohcaleapmi earáhuvvá hohpolaš dikšumin, goas oaččut dikšuma eurohpalaš buohccedikšungoarttain seamma ládje ja seamma áššehasmávssuin go dat, gii orru Suomas.