Du vuoigatvuohta oažžut dálkkasdieđalaččat vealtameahttun dikšuma dehe buot almmolaš dearvvašvuohtafuolahusa bálvalusaid vuođđuduvvá ee. dasa, man riikkas leat oadjuduvvon buohcama várás ja mii lea Suomas orodeamát ágga. Priváhta dearvvašvuohtafuolahusa sáhttet geavahit buohkat.

Almmolaš dearvvašvuohtafuolahusa bálvalusat Suomas

Oaččut álot hohpolaš dikšuma Suoma almmolaš dearvvašvuohtafuolahusas.

Dus sáhttá maid leat vuoigatvuohta dálkkasdieđalaččat vealtameahttun dikšumii dehe buot almmolaš dearvvašvuohtabálvalusaide Suoma našuvnnalaš lágaid, EU-lágaid dehe riikkaidgaskasaš soahpamušaid vuođul. Du vuoigatvuhtii geavahit Suomas almmolaš dearvvašvuohtafuolahusa bálvalusaid váikkuhit earret eará čuovvovaš dagaldagat

  • orutgo Suomas virggálaččat dehe leago dus Suomas ruovttugielda
  • man riikkas don leat oadjuduvvon buohcama várás
  • mii lea du Suomas orrumat ágga (ovdamearkka dihte luopmu, stuđereapmi, bargu, ealáhatbeaivvit)
  • leatgo don buohccán fáhkkestaga gaskaboddasaš Suomas orrumat áigge vai leatgo don ohcalan dikšumii Suomas.

Almmolaš dearvvašvuohtafuolahus dohkkeha eurohpalaš buohccedikšungoartta ja ovdalobi, mainna don oaččut dikšuma seamma haddái dego báikkálaš olbmot. Loga lasi Suoma almmolaš dearvvašvuohtafuolahusas dáppe.

Priváhta dearvvašvuohtafuolahusa bálvalusat Suomas

Buohkat sáhttet geavahit Suoma priváhta dearvvašvuohtafuolahusa bálvalusaid. Du vuoigatvuohta oažžut Áel:s buohccedikšunbuhtadusaid priváhta dearvvašvuohtafuolahusas addojuvvon dikšuma goluide vuođđuduvvá dábálaččat dasa, leatgo don oadjuduvvon buohcama várás Suomas. Áel sáhttá maid nannet sierra du vuoigatvuođa oažžut buohccedikšunbuhtadusaid, vaikko it livčče oadjuduvvon buohcama várás Suomas. Dáin diliin lea muitaluvvon sierra oasis Buohccán Suomas ja Mun fárren  Supmii.

Jos don buohccát Suomas ja geavahat priváhta dearvvašvuohtadikšuma, don it oaččo dikšuma eurohpalaš buohccedikšungoarttain. Don it maid oaččo dikšuma áššehasmávssuin priváhta dearvvašvuohtafuolahusas, jos mátkkoštat Supmii ovdalobiin. Dáin diliin don šattat máksit dikšungoluid ieš, muhto sáhtát ohcat maŋálgihtii buhtadusaid Áel:s. Molssaevttolaččat sáhtát ohcat buhtadusaid iežat buohcanoadjolágádusas.

Loga lasi Suoma priváhta dearvvašvuohtafuolahusas dáppe.