Nuppi Davviriikkas dehe Austrálias bissovaččat orru eará riikka riikkavuloš sáhttá čujuhit vuoigatvuođas dikšumii maiddái nuppi riikka mieđihan pássain. Dasa lassin fásta orrunčujuhus galgá leat Austrálias dehe nuppi Davviriikkas.

Jos orut bissovaččat Ovttastuvvan gonagasriikka kanálasulluin (Man, Guernsey, Alderney, Herm, Jethou, Sark ja Jersey), dus ii leat vuoigatvuohta dálkkasdieđalaččat vealtameahttun dikšumii gaskaboddasaš Suomas orodeamát áigge, daningo sullot eai gula Eurohpa Uniovdnii. Kanálasulluid pássain ii dađi lági mielde sáhte čujuhit vuoigatvuođa dikšumii Suomas.

Identitehtaduođaštus dikšunriekteduođaštussan

Jos orut bissovaččat nuppi Davviriikkas, sáhtát čujuhit iežat vuoigatvuođa dálkkasdieđalaččat vealtameahttun dikšumii maiddái orrunriikkastat dohkkehuvvon identitehtaduođašusain, go orodat Suomas gaskaboddasaččat. Oaččut dikšuma seamma áššehasmávssuin go Suomas orrut, go čájehat dikšunaddái ovdamearkka dihte

  • EU-standárdda miel vuodjingoartta
  • vearuheaddji mieđihan goartta
  • báŋkogoartta, mas lea govva
  • buohccedikšungoartta.