Ovdalohpi lea máksinčatnaseapmi, mainna lobi mieđiheaddji buhtte dikšuma dagahan goluid dikšunaddi riikii. Sáhtát ohcat ovdalobi iežat orrunriikka eiseválddis, dábálaččat iežat buohcanoadjolágádusas.

Ovdalohpi adnojuvvo EU- ja Eeg-riikkain ja Šveiccas. Iešguhtege riika mieđiha ovdalobi iežas virggálaš gielain. Ovdalobis leat dábálaččat persovdnadieđuidat lassin dikšunaddi dieđut, ovdalobi vuoimmisorrunáigi ja dikšun dehe buozalmas, man várás ovdalohpi lea mieđihuvvon.

  • Ovdalohpi lea skovvi E 112 dehe S2. Earálágán ovdalobit eai heive Suoma almmolaš dearvvašvuohtafuolahusas.
  • Orrunriikkat eiseváldi mearrida ovdalobi mieđiheamis. Dihto diliin ovdalobi mieđiheami ovddasvástádus sáhttá leat nuppi riikkas, jos du buohccedikšuma goluid ovddasvástádus lea eará riikkas go orrunriikkastat.
  • Suopma ii sáhte váikkuhit dasa, oaččutgo orrunriikkastat ovdalobi.
  • Áel bearrá rehkega maŋálgihtii ovdalobi miel dikšuma lobi mieđiheaddjis ja buhtte daid gildii dehe gieldaovttastupmái, mii doallá bajás almmolaš dearvvašvuohtafuolahusa.

Jos dutnje lea mieđihuvvon ovdalohpi dikšuma várás, mii addojuvvo Suomas, doaimmat lobi njuolga dikšunaddái.