Duođaštus sáhttá mieđihuvvot ovdamearkka dihte dalle, jos barggat Suomas, muhto it oro bissovaččat Suomas. Duođaštus sáhttá mieđihuvvot maid, jos lea ruovttugielda Suomas, muhto nuppi riikkas lea ovddasvástádus du buohccedikšuma goluin.

Duođaštusas lea diehtu das

  • man viiddes dikšumii dus lea vuoigatvuohta Suoma almmolaš dearvvašvuohtafuolahusas. Vuoigatvuohta dikšumii sáhttá leat viiddis (buot dárbbašlaš dikšun) dehe gárži (dálkkasdieđalaččat vealtameahttun dikšun).
  • leago dus vuoigatvuohta Áel:a buohccedikšuma buhtadusaide
  • leago almmolaš dearvvašvuohtafuolahusas vuoigatvuohta stáhta buhtadussii du dikšumis ollašuvvan goluin.

Duođaštusa ohcan

Duođaštusa mieđiha Áel:a riikkaidgaskasaš áššiid guovddáš. Sáhtát ohcat duođaštusa Áel:s

  • skoviin SV 140, go fárret Suomas olgoriikkaide dehe jos nuppi riikkas lea ovddasvástádus du buohccedikšuma goluin
  • skoviin SV 141, go fárret Supmii dehe jos Suomas lea ovddasvástádus du buohccedikšuma goluin.

Áel:a riikkaidgaskasaš áššiid guovddáš mieđiha duođaštusa almmá sihtama haga dihto diliin. Dat sáhttá mieđihuvvot maid almmolaš dearvvašvuohtafuolahusa bivdagis ovdamearkka dihte dalle, jos it ieš bastte háhkat dárbbašlaš dikšunriekteduođaštusa orrunriikkastat.