Fárren Supmii gaskaboddasaččat

Jos fárret Supmii EU- dehe Eeg-riikkas, Stuora-Británnias dehe Šveiccas gaskaboddasaččat, oaččut dálkkasdieđalaččat vealtameahttun dikšuma eurohpalaš buohccedikšungoarttain. Oaččut maid buhtadusa priváhta dearvvašvuohtafuolahusas, dálkasiin ja buozalmasa dihte dahkkon mátkkiid goluin Kelas (suomagillii).

Jos fárret Supmii eará riikkain, dus lea riekti dušše hohpolaš buohccedikšumii Suoma almmolaš dearvvašvuohtafuolahusas. Sáhtát maid geavahit priváhta dearvvašvuohtafuolahusa. Govččat dikšuma goluid ieš.

Fárren Supmii bissovaččat

Jos fárret Supmii bissovaččat badjel jahkái, oza Digi- ja álbmotdiehtovirgelágádusas (ovddeš magistráhta) ruovttugieldda (suomagillii). Jos don it leat ovdal ohcan ovdamuniid dehe Kela-goartta, ja don leat fárren Supmii, daga ovdamunne- dehe Kela-goartaohcamuša lassin ilmmuhusa Supmii fárremis (suomagillii). Jos fárret EU- dehe Eeg-riikkas dehe Šveiccas ja oaččut ealáhaga eará sajes go Suomas, doaimmat Kelai registrerema várás dikšunriekteduođaštusa. Duođaštusa mieđiha dat riika, mii máksá dutnje ealáhaga.

Jos fárret eará sajes go  EU- dehe Eeg-riikkas dehe Šveiccas, dárbbašat gustojeaddji orodanlobi.

Oaččut Suoma almmolaš dearvvašvuohtafuolahusas buot iežat dárbbašan buohccedikšuma. Oaččut maid buhtadusa priváhta dearvvašvuohtafuolahusas, dálkasiin ja buozalmasa dikšuma dihte dahkkon mátkkid goluin Kelas.