Magistráhta registrere ruovttugieldda álbmotdiehtoregisttarii. Du ruovttugielda ordne dutnje almmolaš dearvvašvuohtafuolahusa bálvalusaid.

Suomas orru lea dábálaččat maid oadjuduvvon buohcama várás Suomas ja oažžu Áel:s buohccedikšunbuhtadusaid priváhta dearvvašvuohtafuolahusa, dálkasiid ja mátkkiid goluide.

Jos du buohccedikšuma goluid ovddasvástádus lea nuppi EU- dehe Eeg-riikkas dehe Šveiccas dehe du fárrendillái guoskaduvvo riikkaidgaskasaš sosiáladorvosoahpamuš, sáhttá dus leat vuoigatvuohta almmolaš dearvvašvuohtafuolahusa bálvalusaid geavahussii ja Áel:a máksin buohccedikšuma buhtadusaide almmá dan haga, ahte dus lea ruovttugielda dehe oadjudeapmi buohcama várás Suomas. Doaimmat ájahalakeahttá Áel:ii registrerema várás

  • nuppi EU- dehe Eeg-riikka dehe Šveicca mieđihan skovi E 106, E 109, E 120, E 121, S1 dehe S3
  • Kanada Quebeca mieđihan skovi SF/Q4.

EU:a nu gohčoduvvon riikiifárrendirektiivvat gusket dihto diliin bargiid, geat bohtet Supmii bargui EU- ja Eeg-riikkaid ja Šveicca olggobealde. Sis lea vuoigatvuohta almmolaš dearvvašvuohtafuolahusa bálvalusaid geavahussii seamma ládje go Suomas orruin.

  • Riikiifárrenlágádus mearrida heivejitgo direktiivvaid njuolggadusat du dilis.
  • Jos barggat Suomas, muhto dus ii leat Suomas ruovttugielda, Áel mieđiha dutnje dárbbu mielde Duođaštusa vuoigatvuođas dikšunovdamuniide Suomas.