Suoma virggálaš gielat leaba suopma ja ruoŧŧa ja dearvvašvuohtafuolahusa bálvalusat addojuvvojit dábálaččat dáiguin gielaiguin. Dearvvašvuohtafuolahusa ámmátolbmot máhttet goitge dábálaččat maid eŋgelasgiela.

Dikšun addojuvvo suoma- dehe ruoŧagillii dan mielde, leago bálvalusaid ordnejeaddji gielda dehe gieldaovttastupmi ovtta- vai guovttegielat. Guovttegielat gielddas ja gieldaovttastumis sáhtát válljet hálidatgo geavahit suoma- vai ruoŧagiela. Ovttagielat gielddas bálvalusaid giella lea juogo suopma dehe ruoŧŧa. Suoma láhkaásaheapmi ii geatnegahte dikšunaddi fállat bálvalusaid eará go suoma- dehe ruoŧagillii.

Eanodagas, Anáris, Soađegilis ja Ohcejogas almmolaš dearvvašvuohtafuolahusa bálvalusat addojuvvojit maid sámegillii.

Dearvvašvuohtafuolahusa ámmátolbmot galget atnit ávvira das, ahte buohcci ipmirda áššiid, mat gusket su dikšuma

Dearvvašvuohtafuolahusa ámmátolbmot leat geatnegahtton addit buohccái čilgehusa su dearvvašvuohtadilis, dikšuma mearkkašumis, sierra dikšunmolssaeavttuin ja eará áššiin, mat laktásit su dikšumii. Jos buohccis ja dikšunbargiin ii leat oktasaš giella, de ordnejuvvo dulkon.

Dulkoma goluid ovddasvástádus lea buohccis alddis dehe dikšunaddis.

  • Jos boađát Supmii nuppi EU- dehe Eeg-riikkas ja Šveiccas ja dárbbašat dálkkasdieđalaččat vealtameahttun dikšuma gaskaboddasaš Suomas orodeamát áigge, dulkoma golut leat dikšungoluid oassi eaige dat berrojuvvo dus sierra.
  • It maid šatta máksit ieš dulkoma goluid, jos ohcalat dikšumii Supmii ja dus lea orrunriikkat mieđihan ovdalohpi (ovdalohpi E 112 dehe S2). Dán dáhpáhusas berrojuvvojit dulkoma dagahan golut lobi mieđiheaddjis.
  • Govččat ieš dulkoma goluid, jos ohcalat dikšumii Supmii almmá orrunriikkat mieđihan ovdalobi (ovdalohpi E 112 dehe S2). Dán dilis don galggat dábálaččat ieš ordnet dárbbašlaš dulkoma. Bargoveahka ordne dulkoma, jos don it ipmir iežat dikšuma dieđuid.
  • Jos leat oadjuduvvon buohcama várás eará báikkis go EU- dehe Eeg-riikkas dehe Šveiccas ja dárbbašat hohpolaš dikšuma gaskaboddasaš Suomas orodeamát áigge, dus sáhttet berrojuvvot dikšungoluid lassin dulkongolut.