Sáhtát ohcat ovdalobi, jos orut nuppi EU- dehe Eeg-riikkas dehe Šveiccas. Ovdalohpi ohccojuvvo álohii orrunriikka eiseválddis, maiddái dalle, jos juoga earás go du orrunriikkas lea ovddasvástádus du buohccedikšuma goluin. Ovdalohpi mieđihuvvo skoviin E 112 dehe S2. Earálágán ovdalobit eai heive Suomas.

Ovdalohpi lea máksinčatnaseapmi, mainna lobi mieđiheaddji buhtte lobi miel dikšuma goluid Suoma stáhtii. Áel buhtte dikšuma dagahan goluid Suoma almmolaš dearvvašvuohtafuolahussii ja bearrá rehkega ain lobi mieđiheaddjis.

Ovdalohpái sáhttá čállojuvvot dárkket áššehasa dieđuid ja dikšunaddi lassin ovdamearkka dihte dikšunáigemuddu ja dikšun dehe dikšundoaibmabidju, man golut ovdalobi vuođul máksojuvvojit. Jos dus lea orrunriikkat mieđihan ovdalohpi dikšuma várás, mii addojuvvo Suomas, mávssát dikšumis seamma áššehasmávssu go Suomas orru. Doaimmat ovdalobi dikšunaddái.

Lohpi mieđihuvvo skoviin E 112 dehe S2 ja dan sáhttá geavahit dušše Suoma almmolaš dearvvašvuohtafuolahusas. Earálágán ovdalobit go skovvi E 112 dehe S2 eai heive Suoma almmolaš dearvvašvuohtafuolahusas.

Jos leat ožžon ovdalobi (skovvi  112 dehe S2) miel dikšuma Suoma priváhta dearvvašvuohtafuolahusas, sáhtát ohcat buhtadusa dikšungoluide Áel:s. Áel buhtte goluid buohcanoadjolága vuođul seamma ákkaiguin go Suomas buohcama várás oadjuduvvon olbmuide.

Ovdalohpi galgá mieđihuvvot, jos dikšun ii sáhte ordnejuvvot orrunriikkas

EU-láhkaásaheami mielde buohccái galgá mieđihuvvot ovdalohpi dikšuma várás, mii addojuvvo nuppi lahttoriikkas, jos

  • buohcci dárbbašan dikšun gullá su orrunriikka dearvvašvuohtafuolahusa bálvalanválljašupmái

ja

  • dikšun ii sáhte ordnejuvvot buohcci orrunriikkas dálkkasdieđalaččat ákkastallon áigodaga siste vuhtii válddedettiin buohcci dalá dearvvašvuohtadilli ja buohcama jáhkehahtti ovdáneapmi.

Ovdalohpi ii leat dađi lági mielde bággu mieđihuvvot, jos dikšun lea dakkár, ahte dat ii gula buohcci ruovtturiikka dearvvašvuohtafuolahusa bálvalanválljašupmái dehe jos dikšun sáhttá ordnejuvvot orrunriikkas dálkkasdieđalaččat ákkastallon áigemeari siste.

Ovdalohpi sáhttá álohii mieđihuvvot maid guorahallama vuođul, vaikko eavttut lobi mieđiheapmái eai ollašuvaše, ovdamearkka dihte gielalaš dehe kultuvrralaš ákkaid geažil.