Áhpehisvuohta ja riegádahttin Suomas

Jos boađát EU-, Eeg-riikkas, Šveiccas, Stuora-Británnias dehe Austrálias, oaččut áhpehisvuođa ja riegádahttima gáibidan vealtameahttun dikšuma gaskaboddasaš Suomas orodeamát áigge. Jos boađát eará riikkain, don leat vuoiggalaš hohpolaš dikšumii Suomas orodeamát áigge. Sáhtát maid lupmosit ohcalit riegádahttit Supmii. Dalle govččat dábálaččat ieš dikšuma dagahan goluid.


Suomas áhpehisvuođa čuovvun dáhpáhuvvá etniidrávvehagain, mat leat buresbirgenguovlluid ordnen vuođđodearvvašvuohtafuolahusa oassi. Maiddái priváhta bálvalanbuvttadeaddjit sáhttet fállat áhpehisvuođa čuovvuma bálvalusaid.

1. Mus lea ruovttugielda Suomas

Dus lea álot vuoigatvuohta almmolaš dearvvašvuohtafuolahusa etniidrávvehatbálvalusaide ja riegádahttima dikšumii buresbirgenguovllu áššehasmávssuin, jos dus lea ruovttugielda Suomas.

2. Boađán Supmii gaskaboddasaččat, ovdamearkka dihte lupmui

Jos don boađát nuppi EU-, Eeg-riikkas, Sveiccas, Stuora-Británnias dehe Austrálias, oaččut áhpehisvuođa ja riegádahttima gáibidan dikšuma almmolaš dearvvašvuohtafuolahusas. Doavttir árvvoštallá, makkár dikšuma dárbbašat vuhtii válddedettiin dan man guhká don orodat Suomas. Jos don boađát EU- dehe Eeg-riikkas, Stuora-Británnias dehe Sveiccas, oaččut dikšuma seamma áššehasmávssuin go Suomas orrut, go čájehat eurohpalaš buohccedikšungoaartta dikšunaddái.  Stuora-Británnias dehe Davvi-Irlánddas orru sáhttá čujuhit rievttis dikšumii brexita sirddaáigge mieđihuvvon eurohpalaš buohccedikšungoarttain, ”Citizens Rights” -goarttain dehe GHIC-goarttain (Global Health Insurance Card). Jos don boađát Austrálias, čájet iežat passa. Eaktun lea, ahte don it leat ohcalan Supmii riegádahttit.

Jos boađát eará riikkain, dus lea riekti hohpolaš riegádahttimii dehe dikšumii, mii laktása riegádahttimii. Govččat ieš dikšuma goluid.

3. Boađán nuppi EU-, Eeg-riikkas, Stuora-Británnias dehe Sveiccas ja hálidan riegádahttit Suomas

Jos don leat oadjuduvvon buohcama várás nuppi EU-riikkas, sáhtát lupmosit ohcalit Supmii riegádahttit. Govččat ieš riegádahttindikšuma goluid, jos du Supmii boahtima ulbmil lea riegádahttindikšuma oažžun. Oaččut dikšuma seamma ákkaiguin go dat gii orru Suomas. Sáhtát ohcat buhtadusa maŋálgihtii buohcanoadjolágádusas, man ovddasvástádussan leat du buohccedikšuma golut. Dat buhtte goluid iežas láhkaásaheami mielde. Sáhtát maid ohcat iežat buohcanoadjolágádusas ovdalobi (suomagillii) riegádahttima várás. Jos ovdalohpi mieđihuvvo, mávssát dikšumis seamma áššehasmávssu go báikkálaš olbmot. Šiehta dikšunaddiin ovddalgihtii, jos hálidat boahtit riegádahttit Supmii.

4. Boađán EU-riikkaid olggobealde ja hálidan riegádahttit Suomas

Jos don boađát Supmii eará báikkis go EU- dehe Eeg-riikkas dehe Sveiccas ja hálidat riegádahttit Suomas, govččat dábálaččat ieš dikšuma goluin. Riegádahttindikšuma golut sáhttet berrojuvvot rehkegiin maiddái priváhtadáhkádusas. Almmolaš dearvvašvuohtafuolahus sáhttá fállat riegádahttindikšuma maid olbmuide, geat bohtet EU:a olggobealde Supmii riegádahttit, jos das lea guoros dikšunkapasiteahtta.

Suomas riegádahttimat leat čohkkejuvvon buohcceviesuide

Riegádahttimat leat Suomas čohkkejuvvon buohcceviesuide. Buohcceviessu sáhttá leat almmolaš dehe priváhta.

Sáhtát leat njuolga oktavuođas etniidrávvehagaide ja buohcceviesuide, jos hálidat dieđu dikšumii beassamis ja dikšunhattiin. Almmolaš riegádahttinbuohcceviesuid oktavuohtadieđut leat čohkkejuvvon dáidda siidduide.