Suomas áhpehisvuođa čuovvun dáhpáhuvvá rávvehagain, mat leat gielddaid ordnen vuođđodearvvašvuohtafuolahusa oassi. Maiddái priváhta bálvalanbuvttadeaddjit sáhttet fállat áhpehisvuođa čuovvuma bálvalusaid.

Dus lea vuoigatvuohta almmolaš dearvvašvuohtafuolahusa rávvehatbálvalusaide ja riegádahttima dikšumii gieldalačča áššehasmávssuin, jos dus lea ruovttugielda Suomas. Jos it leat gieldda orru Suomas, sáhttá Áel dihto diliin nannet du vuoigatvuođa almmolaš dearvvašvuohtafuolahusa bálvalusaid atnui sierra Duođaštusain vuoigatvuođas dikšunovdamuniide.

Oaččut áhpehisvuođa ja riegádahttima gáibidan dikšuma eurohpalaš buohccedikšungoarttain gaskaboddasaš Suomas orodeamát áigge almmolaš dearvvašvuohtafuolahusas.

  • Doavttir árvvoštallá, makkár dikšuma dárbbašat vuhtii válddedettiin man guhká orodat Suomas.
  • Oaččut dikšuma seamma áššehasmávssuin go dat, geat orrot Suomas, go čájehat eurohpalaš buohccedikšungoartta dikšunaddái. Gáibádussan lea, ahte don leat ohcalan Supmii riegádahttit.

Jos don leat oadjuduvvon buohcama várás nuppi EU-riikkas, sáhtát lupmosit ohcalit Supmii riegádahttit. Govččat ieš riegádahttima dikšuma goluid, jos du Supmii boahtima ulbmil lea riegádahttindikšuma oažžun. Oaččut dikšuma seamma ákkaiguin go dat gii orru Suomas. Sáhtát ohcat buhtadusa maŋálgihtii buohcanoadjolágádusas, man ovddasvástádussan leat du buohccedikšuma golut. Dat buhtte goluid iežas láhkaásaheami mielde.

Jos boađát Supmii eará báikkis go EU- dehe Eeg-riikkas dehe Šveiccas ja riegádahtát Suomas, govččat dábálaččat ieš dikšuma goluid. Riegádahttindikšuma golut sáhttet berrojuvvot rehkegiin maŋálgihtii maiddái áššehasa priváhtadáhkádusas.

  • Dus lea álohii vuoigatvuohta oažžut hohpolaš riegádahttindikšuma Suoma almmolaš dearvvašvuohtafuolahusas fuolakeahttá das, man riikkas boađát dehe mii lea du riikkavulošvuođaid..
  • Almmolaš dearvvašvuohtafuolahus sáhttá fállat riegádahttima dikšuma maiddái EU:a olggobealde Supmii riegádahttit boahtit olbmuide, jos das lea friddja dikšunkapasiteahtta.

Riegádahttimat leat Suomas čohkkejuvvon buohcceviesuide

Riegádahttimat leat Suomas čohkkejuvvon buohcceviesuide. Vai buohcceviessu sáhttá fállat riegádahttinbálvalusaid, das fertejit leat sulaid 1000 riegádahttima jagis sihke vejolašvuohta dakkaviđe heahtekeaisárčuohpadussii sihke ogi ja eatni beavttálmahtton bearráigehččui.

Sáhtát leat njuolga oktavuođas rávvehagaide ja buohcceviesuide, jos hálidat dieđu dikšumii beassamis ja dikšuma hattiin. Rávvehagaid ja riegádahttinbuohcceviesuid oktavuohtadieđut gávdnojit Bálvalanveakta -fierbmebálvalusas  ja buohccedikšunbiirriid fierbmesiidduin. Riegádahttinbuohcceviesuid oktavuohtadieđut leat čohkkejuvvon maid  dáidda siidduide.