Suomas dáhpáhuvvan buohccevahágiid buhtten lea čohkkejuvvon Buohccevahátguovddážii mii dain fuolaha.

Juohke Suomas doaibmi almmolaš ja priváhta dearvvašvuohtafuolahusa doaibmaovttadagain galgá leat buohccedáhkádus. Buohccedáhkádus gokčá visot Suomas dikšuma ožžon olbmuid dearvvašvuohta- ja buohccedikšuma.

Buohccedáhkádus buhtte dikšuma dagahan áru

Buohccevahátguovddáš árvvoštallá vahátilmmuhusa ja iežas čielggadeami vuođul, leago vahát dakkár, ahte dat buhttejuvvo buohccedáhkádusas.

  • Suoma buohccedáhkádus gokčá buot Suoma almmolaš ja priváhta dearvvašvuohtafuolahusas addojuvvon dikšuma.
  • Buohccedáhkádus buhtte áru, mii lea dikšun-, infekšuvdna, dáhpedorbme- dehe rusttetvahága čuovvumuš.
  • Buohccedáhkádus buhtte maid, jos árru lea šaddan vahágiin, mii laktása dikšunbáikki sajiide dehe dálkasa doaimmaheapmái.
  • Suoma buohccedáhkádus ii govčča olgoriikkain addojuvvon dikšuma.

Buohccedáhkádus ii buhtte čuovvumušaid, go

  • dat lea dutkamuš- ja dikšundoaibmabijuid riskkaid oassi
  • dikšun ii leat buvttadan sávvojuvvon bohtosa
  • vahát lea unni
  • dikšun lea addojuvvon eará báikkis go Suomas.

Iehčanas dearvvašvuohtafuolahusa ámmátbargit ja fitnodagat váldet buohccedáhkádusa dáhkádusfitnodagas. Almmolaš dearvvašvuohtafuolahus sáhttá váldit buohccedáhkádusa dáhkádusfitnodagas dehe Buohccedáhkádusguovddážis. Buot dáhkádusfitnodagat, mat barget buohccedáhkádusdoaimmas, leat Buohccedáhkádusguovddáža lahtut.

Buhtadus galgá ohccojuvvot golmma jagi siste vahágis

Vahátilmmuhus galgá dahkkojuvvot golmma jagi siste das, go don ožžot dieđu vahágis dehe don livččet galgan diehtit das. Buhtadusa sáhttá ohcat maid maŋŋel sierra ákka vuođul, goitge maŋimusat logi jagi siste dikšumis.

Buot dearvvašvuohtafuolahusa doaibmaovttadagain lea buohcceáittardeaddji, gii dárbbu mielde sáhttá veahkehit du buohccevahátilmmuhusa dahkamis.

Vahátilmmuhusskovi oaččut buohccedáhkádusguovddážis, buohcceáittardeaddjis dehe dearvvašvuohtafuolahusa doaibmaovttadagain.

Buhtadusat dikšunvahágis

Dikšunvahát lea mihtilmaččamus buohccedáhkádusas buhttenvuloš vahát. Dikšunvahágin buhttejuvvo persovdnavahát, mii lea šaddan buohcci dutkamis, dikšumis dehe eará danveardásaš gieđahallamis dehe dakkára goarideamis. Eará danveardásaš gieđahallamiin dárkkuhuvvo ovdamearkka dihte boahkuheapmi, varraaddin ja ealaluobaheapmi. Dikšunvahágin sáhttet buhttejuvvot maid dálkasa boasttumearramis dehe addimis šaddan vahágat.

Buhttenvuloš dikšunvahága eaktun lea, ahte namuhuvvon dikšun- ja dutkandilis hárjánan dearvvašvuohtafuolahusa ámmátolmmoš livččii bargan eará ládje ja dađi lági mielde garván vahága. Dikšunvahát sáhttá leat ovdamearkka dihte čuohpadusa čuovvumuššan dihtton komplikašuvdna, dego nearvavaháguvvan dehe dávdameroštallama ádjáneapmi, man hárjánan dearvvašvuohtafuolahusa ámmátolmmoš livččii bastán garvit.