Áššehas galgá oažžut áššehasmávssus rehkega sihke máksinnávcca mielde mearrahuvvan áššehasmávssus sierranastojuvvon mearrádusa. Mearrádusas galgá leat ráva, mot mearrádussii ohccojuvvo nuppástus.

Daga almmolaš dearvvašvuohtafuolahusa áššehasmávssu njulgengáibádusa 30 beaivve siste das, go leat ožžon mearrádusa.

Dárbbu mielde buohcceáittardeaddji sáhttá veahkehit du nuppástusohcamuša dahkamis. Oaččut buohcceáittardeaddji oktavuohtadieđuid iežat dikšunaddis

Juos don leat ain duhtameahttun áššehasmáksomearrádussii, de don sáhtát ohcat nuppástusa nu ahte váiddát hálddahusriektái 30 beaivvi siste das, go leat ožžon dieđu mearrádusas. Sáhtát dahkat váidaga mearreáigge siste maiddái mearrádusdahkkái, guhte galgá doaimmahit du váidaga ja iežas cealkámuša hálddahusriektái.

Hálddahusrievtti mearrádussii sáhttá ohcat váidinlobi alimus hálddahusrievttis ovdamearrádusákkain.

Eurohpalaš buohccedikšungoarttain addojuvvon dikšuma golut

Eurohpalaš buohccedikšungoarttain dus lea riekti oažžut dálkkasdieđalaččat vealtameahttun dikšuma seamma áššehasmávssuin go buresbirgenguovllu orrus. Dihto diliin vuoigatvuođa dikšumii sáhttá čujuhuvvot maid eará dikšunriekteduođaštusain.

Juos don leat čájehan áššáigullevaš dikšunriekteduođaštusa dikšunaddái ja dutnje lea sáddejuvvon vearrut rehket almmolaš dearvvašvuohtafuolahusas ja berrojuvvon eanet go mii lea buresbirgenguovllu áššehasmáksu, čielggat áššehasmávssu divvuma njuolga dikšunaddiin.

Don sáhtát ohcat áššehasmáksui nuppástusa dego bajábealde lea muitaluvvon.

Don sáhtát maid ohcat buhtadusaid almmolaš dearvvašvuohtafuolahusas iežat máksin buhtadusaide orrunriikkat buohcanoadjolágádusas.