Oaččut dikšuma iežat ruovttugieldda almmolaš dearvvašvuohtafuolahusas doaktára dahkan dikšundárboárvvoštallama mielde, vaikko gažaldat livččii olgoriikkain addojuvvon dikšuma joatkkadikšumis. Joatkkadikšumis sáhttá leat gažaldat ovdamearkka dihte čuohpadusa maŋŋelaš hávvedikšumis, laboratoriaseasuin, maŋŋedárkkástusas, fysioterapiijas dehe eará veajuiduhttimis.

Suomas addojuvvon dikšumii ii váikkut dat, manin don leat ožžon dikšuma olgoriikkain muhto dikšun addojuvvo álohii dikšundárboárvvoštallama mielde. Du dikšu doavttir mearrida, makkár joatkkadikšuma dárbbašat. Suoma dikšungeavat sáhttá spiehkkasit olgoriikkain du dikšun doaktára joatkkadikšuma mearrádusain dehe rávvagiin.

Jos don leat ožžon dikšuma olgoriikkain ja dárbbašat joatkkadikšuma Suomas, váldde oktavuođa iežat dearvvašvuohtaguovddážii joatkkadikšuma ordnema várás.