Sihkkarastte ahte dikšunaddis lea lohpi doaibmásis

Go ohcalat olgoriikkaide dikšuma várás, sihkkarastte, ahte dikšunaddis lea lohpi doaibmásis ja ahte das lea buohccevahátdáhkádus dikšuma várás, mii addojuvvo. Čielggat vejolašvuođaid mielde maiddái dikšuma ollašuhtti doaktára duogášdieđuid, dego ámmátbargama vuoigatvuođaid ja vejolaš ráddjehusaid. Sihkkarastte maid, ahte don leat ožžon doarvái dieđuid dikšumis ja doaibmabijuin, mat dutnje addojuvvojit, sihke daid riskkain.

Dikšunaddi EU-riikka kontáktačuokkis vástida gažaldagaide riikka buohccedáhkádusvuogádagas ja oahpista dárbbu mielde rievttes eiseválddi lusa. Maiddái riikka eará eiseválddit, geain lea ovddasvástádus dearvvašvuohtafuolahusas ja lágas mearriduvvon buohcanoajus, addet dieđuid.

Jos dutnje geavvá buohccevahát olgoriikkain

Suopmelaš buohccevahát ii govčča olgoriikkain addojuvvon dikšuma. It sáhte oažžut Suomas buhtadusaid buohccevahágis, mii lea šaddan olgoriikkain addojuvvon dikšumis. Čielggat dikšunaddis dehe dikšuma addán riikka kontáktačuoggás, mot sáhtát ohcat buhtadusa buohccevahágii.

Oaččut iežat ruovttugieldda almmolaš dearvvašvuohtafuolahusas dikšuma, vaikko dikšondárbot čuovušii olgoriikkain šaddan buohccevahágis.