Orruma E- ja S -skovit

Jos fárret orrut nuppi EU- dehe Eeg-riikii dehe Šveicii ja buohccedikšumat goluid ovddasvástádus lea earáin go orrunriikkastat, sosiáladorvvu hálddašeaddji virgeolbmot geavahit du dikšunvuoigatvuohtadieđuid registreremii báberskoviid. Skovi registreremiin nannejuvvo dasa lassin, ahte du orrunriika sáhttá bearrat du buohccedikšuma goluid skovi mieđihan riikkas.


Áel gieđahallá Suomas E- ja S-skoviid, mat gusket dikšunvuoigatvuođa. Sierra olmmošjoavkkuide leat iežaset skovit, mat leat standardiserejuvvon EU:s. Dikšunrievtti registreremii adnojuvvojit čuovvovaš skovit

  • E 106: bargit
  • E 109: bearašlahtut
  • E 120: ealáhatohccit
  • E 121: ealáhatolbmot ja ealáhatolbmo bearašlahtut
  • S1: visot olmmošjoavkkut.

Skovit eai goitge dábálaččat adnojuvvo, jos du fárren dáhpáhuvvá Davviriikkaid dehe Ovttastuvvan gonagasriikka ja Suoma gaskkas.

Iešguhtege riika mieđiha skovi iežas virggálaš gielain. Áel mieđiha suoma- dehe ruoŧagiel skoviid ja spiehkastatdáhpáhusas sáhttá maid adnojuvvot eŋgelasgiel skovvi.

Áel doaimmaha skovi njuolga nuppi riikka eiseváldái dehe dutnje, go fárret Suomas dehe Supmii. Oaččut Áel:s maid rávvagiid, mot barggat go leat oažžon skovi.

  • Jos oaččut Áel:s E- dehe S-skovi, doalvvo dan registrerema várás ođđa orrunriikkat buohcanoadjolágádussii dehe eará eiseváldái, man ovddasvástádussan leat čuozáhatriikkas dearvvašvuohtafuolahusa bálvalusat.
  • Jos fárret Supmii ja leat ožžon nuppi riikkas E- dehe S-skovi, doaimmat skovi registrerema várás Áel:ii.

Áel mieđiha E- dehe S-skovi bivdaga mielde dehe iešheanalis. Sáhtát ohcat E- dehe S-skovi Áel:s

  • skoviin SV 140, go fárret Suomas olgoriikkaide dehe jos muhtin riikkas lea ovddasvástádus du buohccedikšuma goluin
  • skoviin SV 141, go fárret Supmii dehe jos Suomas lea ovddasvástádus du buohccedikšuma goluin.

Jos dikšunaddi, čuozáhatriikka buohcanoadjolágádus dehe eará eiseváldi sihtá dus E- dehe S-skovi, doaimmat Áel:ii ohcanskovi SV 140 dehe SV 141 dehe váldde oktavuođa Áel:a riikkaidgaskasaš áššiid guovddážii.