Oaččut goarttain dálkkasdieđalaččat vealtameahttun dikšuma go orodat gaskaboddasaččat orrunriikkat olggobealde nuppi EU- dehe Eeg-riikkas dehe Šveiccas. Goarta doaibmá dađi lági mielde eará báikkis go orrunriikkas seamma ládje go eurohpalaš buohccedikšungoarta dábálaččatnai.

Dasa lassin oaččut goarttain Suomas almmolaš dearvvašvuohtafuolahusas iežat dárbbašan dikšuma seamma ládje ja seamma áššehasmávssuin go Suomas orru sihke njuolggobuhtadusa priváhta dearvvašvuohtafuolahusas, dálkkasoastimiin apteaikkain ja ambulánsagivttas.

Orrunriikkas adnojuvvo báikkálaš buohcanoadjogoarta dehe eará eiseválddi addin duođaštus.

Áel mieđiha ealáhatolbmui eurohpalaš buohccedikšungoartta, go Suomas fárrema sosiáladorvoáššit leat čilgejuvvon. Áel mieđiha goartta automáhtalaččat ealáhatolbmui, gean buohccedikšungolut lea Suoma ovddasvástádussan riikkasfárrema maŋŋel.

Jos dikšunaddi, čuozáhatriikka buohcanoadjolágádus dehe eará eiseváldi sihtá dus eará duođaštusa dikšuma várás, váldde oktavuođa Áel:a riikkaidgaskasaš áššiid guovddážii.