Mot čájehat iežat vuoigatvuođa dikšumii olgoriikkain

Olgoriikkain don fertet duođaštit iežat vuoigatvuođa dikšumii dikšunriekteduođaštusain, vai sáhtát oažžut dikšuma báikkálaš áššehasmávssuin riikka almmolaš dearvvašvuohtafuolahusas. Dat, mii áššegirjjiid dohkke dikšunriekteduođaštussan, sorjá riikkas ja orodeamát ulbmilis. Dikšunriekteduođaštus galgá leat vuoimmis dikšuma addima áigge. Áel:a mieđihan dikšunriekteduođaštusat leat nuvttá.


Dikšunriekteduođaštusat leat

  • eurohpalaš buohccedikšungoarta (EHIC)
  • duođaštus, mii buhtte gaskaboddasaččat eurohpalaš buohccedikšungoartta
  • pássa
  • virggálaš identitehtaduođaštus
  • Áel-goarta
  • dikšumii ohcaleami ovdalohpi (skovvi E 112 dehe S2)
  • E- ja S-skovit, mat gusket orruma
  • skovvi SF/Q4
  • máksinčatnaseapmi, mii guoská oastinbálvalusa

Čájet dikšunaddái njuolga eurohpalaš buohccedikšungoartta dehe duođaštusa, pássa dehe identitehtaduođaštusa, mat buhttejit dan, dikšumii ohcaleami ovdalohpi dehe oastinbálvalusa máksinčatnaseami. Dalle don galggat oažžut dikšuma seamma áššehasmávssuin go báikkálaš olbmot danveardásaš dilis.

E- ja S-skovit, mat gusket orruma sihke skovvi SF/Q4 galget registrerejuvvot vuohččan čuozáhatriikka buohcanoadjolágádusas dehe eará eiseválddi olis, man ovddasvástádussan lea čuozáhatriikka dearvvašvuohtafuolahusa vuogádat. Registrerema maŋŋel sáhtát geavahit čuozáhatriikka dearvvašvuohtabálvalusaid dego báikkálaš orrut.

Govččat ieš dikšuma goluid, jos dus ii leat dikšunriekteduođaštus

Don fertet duođaštit iežat vuoigatvuođa dikšumii olgoriikkain muhtin ovdal namuhuvvon áššegirjjiin, vai sáhtát oažžut dikšuma seamma áššehasmávssuin go riikkas orru. Jos dus ii leat dikšunriekteduođaštus, de govččat dábálaččat ieš dikšuma goluid. Dat, man áššegirjji galgá geavahit,  sorjá dilis ja riikkas orrumat ulbmilis. E- ja S-skovit, mat gusket orruma ja skovvi SF/Q4 galget vuohččan registrerejuvvot orodanriikka buohcanoadjolágádusas.