Du vuoigatvuohta dikšumii go fárret olgoriikkaide

Go fárret orrut olgoriikkaide, de du vuoigatvuohta dikšumii mearrahuvvá čuozáhatriikka, fárrema ulbmila ja bistima mielde. Áel mearrida du oadjudeamis buohcama dihte Suomas ja addá mearrádusa Suoma sosiáladorvui gullamis, go fárret olgoriikkaide. EU- ja Eeg-riikii ja Šveicii fárrema olis Áel meroštallá maid du vuoigatvuođa dikšumii Suomas. Fárrendilis registreremis ruovttugielddas dahká magistráhta.


Áel čilge du vuoigatvuođa dikšumii, go fárret Suomas olgoriikkaide. Dasa lassin magistráhta registrere, seailugo du ruovttugielda Suomas. Go fárret bissovaččat olgoriikkaide, du gullan Suoma buohcanodjui ja vuoigatvuohta geavahit gieldda orrun almmolaš dearvvašvuohtafuolahusa bálvalusaid nohká dábálaččat fárrenbeaivái.

Vuoigatvuohta Suoma almmolaš dearvvašvuohtafuolahusa bálvalusaid atnui vuođđuduvvá vuosttaš sajis ruovttugildii. Jos dus lea ruovttugielda Suomas, sáhtát álohii geavahit gieldda orrun buot almmolaš dearvvašvuohtafuolahusa bálvalusaid. Ruovttugielddas mearrida magistráhta.

Jos leat oadjuduvvon Suomas buohcama dihte, oaččut buhtadusaid Suoma priváhta dearvvašvuohtafuolahusa goluin sihke olgoriikkain ollašuvvan buohccedikšuma goluin. Buohcama oadjudeami dihte olbmos lea anustis Áel-goarta. Oadjudeamis buohcama dihte mearrida Áel.

Muhtin diliin EU-láhkaásaheapmi sáhttá addit dutnje vuoigatvuođa geavahit Suomas almmolaš dearvvašvuohtafuolahusa bálvalusaid, vaikko it livčče šat gieldda orru. Dalle leat fárren nuppi EU- dehe Eeg-riikii dehe Šveicii, goas

  • Áel lea dahkan mearrádusa oadjudeamistat buohcama dihte ja gullamisttát Suoma sosiáladorvui

dehe

  • Suopma gokčá de buohccedikšuma goluin.

Go meroštallojuvvo du vuoigatvuohta dikšumii čuozáhatriikkas ja Suomas, de mearkkašupmi lea dábálaččat maid dalle, leago du fárren čuozáhatriikii gaskaboddasaš dehe bistevaš. Gaskaboddasaš fárremis lea gažaldat dábálaččat eanemusat jagi bisti olgoriikkain orodeamis.

Ilmmut álohii badjel golmma mánu orodeamis ja bistevaš olgoriikkaide fárremis Áel:ii. Ilmmuhusa sáhttá dahkat Áel:a áššiid dikšuma bálvalusas dehe skoviin Y 38.

Ilmmut olgoriikkaide fárremisttát álohii maid magistráhtii.