Go fárret bissovaččat olgoriikkaide, du gullan Suoma buohcanodjui ja vuoigatvuohta geavahit gieldda orrun almmolaš dearvvašvuohtafuolahusa bálvalusaid nohká dábálaččat fárrenbeaivái.

Vuoigatvuohta Suoma almmolaš dearvvašvuohtafuolahusa bálvalusaid atnui vuođđuduvvá vuosttaš sajis ruovttugildii. Jos dus lea ruovttugielda Suomas, sáhtát álohii geavahit gieldda orrun buot almmolaš dearvvašvuohtafuolahusa bálvalusaid. Ruovttugielddas mearrida magistráhta.

Jos leat oadjuduvvon Suomas buohcama dihte, oaččut buhtadusaid Suoma priváhta dearvvašvuohtafuolahusa goluin sihke olgoriikkain ollašuvvan buohccedikšuma goluin. Buohcama oadjudeami dihte olbmos lea anustis Áel-goarta.

Dihto olmmošjovkui gullevaččat sáhttet oažžut dikšuma dehe Áel-buhtadusaid Suomas, vaikko sii orošedje olgoriikkain bissovaččat. Dákkár olbmot leat ovdamearkka dihte olgoriikkaide sáddejuvvon bargit ja stuđeanttat, geat čađahit oba dutkkosa olgoriikkain. Čielggat Áel:s, gulatgo dákkár jovkui.

Go meroštallojuvvo du vuoigatvuohta dikšumii čuozáhatriikkas ja Suomas, de mearkkašupmi lea dábálaččat maid dalle, leago du fárren čuozáhatriikii gaskaboddasaš dehe bistevaš. Gaskaboddasaš fárremis lea gažaldat dábálaččat olgoriikkain orodeamis, mii bistá eanemusat guhtta mánu.

Olgoriikkaide orrumis gánnáha ilmmuhit Áel:ii, jos dutnje máksojuvvojit ovdamunit.  Ilmmut olgoriikkaide fárremisttát álohii maid magistráhtii.