Jos veajuiduhttindárbot lea šaddan johtalusvahágis dehe ámmátdávddas, veajuiduhttima ordnen ii gula Áel:ii, muhto dan ovddasvástádus lea dáhkádusfitnodagas. Šiehta iežat dáhkádusfitnodagain ovddalgihtii meannudeamis, jos du ulbmilin lea ohcalit olgoriikkaide veajuiduhttima oažžuma várás.

Jos veajuiduhttima ordnen gullá Áel:ii, váldde oktavuođa Áel:ii čielggadit vejolašvuođaidat oažžut veajuiduhttima olgoriikkain.

Suomas fysioterapiija gullá buohccedikšuma buhttema ollái. Sáhtát iešoaivves mátkkoštit olgoriikkaide vai oaččut fysioterapiija ja ohcat dikšumis maŋálgihtii buhtadusaid. Áel buhtte dikšuma buohccedikšunbuhtadusaid máksomeriid (liŋka suomagillii)  mielde.

Iešguhtege riika fállá veajuiduhttinbálvalusaid iežas láhkaásaheami ja dearvvašvuohtafuolahusa vuogádaga mielde. Veajuiduhttin sáhttá leat sierralágán, go veajuiduhttin mii livččii addojuvvot Suomas.