Guhkesáigge buozalmasaid dikšun olgoriikkain

Oaččut eurohpalaš buohccedikšungoarttain guhkesáigge buozalmasa gáibidan dálkkasdieđalaččat vealtameahttun dikšuma, go orodat gaskaboddasaččat nuppi EU- dehe Eeg-riikkas dehe Šveiccas. Jos orodat gaskaboddasaččat EU-riikkaid olggobealde ja dárbbašat fáhkka dikšuma dehe guhkesáigge buozalmassát gáibida jeavddalaš dikšuma, sáhtát ohcat goluide Áel:a bohcanoadjobuhtadusaid. Buhtadusat leat seammalágánat go priváhta dearvvašvuohtafuolahusa Áel-buhtadusat.


Dikšunbáikki doavttir dehe eará dearvvašvuohtafuolahusa ámmátolmmoš mearrá, makkár dikšuma dehe dutkamušaid guhkesáigge buozalmasat dikšun gáibida.

Dat, makkár dikšuma oaččut guhkesáigge buozalmassásat, mearrahuvvá álohii orodanriikka láhkaásaheami mielde. Dikšun dehe dan dutkamušat eai leat vealttakeahttá seammat go Suomas.

Eurohpalaš buohccedikšungoarttain mávssát buozalmasastat seamma áššehasmávssu go báikkálaš olbmot. Jos don leat ieš máksán visot guhkesáigge buozalmasa dárbbašlaš dikšuma ja dutkamušaid goluid, oza buhtadusaid Áel:s (liŋka suomagillii) guđa mánu siste máksimis.

Sáhtát maid lupmosit ohcalit EU-, Eeg-riikkaide dehe Šveicii oažžut dikšuma guhkesáigge buozalmassii. Jos mátkkoštat vásedin oažžut dikšuma, Áel buhtte maŋálgihtii goluid dego priváhta dearvvašvuohtafuolahusa Suomas.

Eurohpa olggobealde du riekti oažžut dikšuma mearrahuvvá čuozáhatriikka láhkaásaheami vuođul. Eará báikkis go EU- ja Eeg-riikkas ja Šveiccas mávssát dábálaččat ieš dikšumis ja dutkamušain ollašuvvan goluid. Jos guhkesáigge buozalmassát gáibida fáhkka dikšuma EU-riikkaid olggobealde, sáhtát ohcat dikšuma goluin Áel:a boahcanoadjobuhtadusaid. Buhtadus sáhttá maid máksojuvvot, jos dárbbašat guhkesáigge buozalmassát dihte jeavddalaš dikšuma. Buhtadusat leat seammalágánat go priváhta dearvvašvuohtafuolahusa Áel-buhtadusat.

Šiehta dikšumis ovddalgihtii, jos dat gáibida ovdaordnedemiid

Jos du buozalmas gáibida jeavddalaš dikšuma gaskaboddasaš orodeamát áigge olgoriikkain, šiehta ovddalgihtii dikšunaddiin dikšuma ordnemis. Dikšumat, mat gáibidit ovddalgihtii šiehttama, leat ovdamearkka dihte dialysadikšun, suvrraterapiija, sierra ástmádikšun ja kemoterapiija sihke kronalaš autoimmunábuozalmasaid váimmu ultrajietnadutkamuš