Sáhtát čielggadit dikšuma šlája ja buohccedorvvolašvuođa gáibádusaid čuozáhatriikka kontáktačuoggás.

Kontáktačuoggát fállet dieđuid aŋkke čuovvovaš fáttáin

  • riikka dearvvašvuohtafuolahusa vuogádat
  • dearvvašvuohtafuolahusa šládja ja dorvvolašvuohta:
    • gáibádusat, mat gusket buohccedorvvolašvuođa ja dain ovddasvástideaddji bealit
    • gozihaneiseválddit
    • doaibmabijut dan dáhpáhusas, ahte dikšunlágádus ii doahttal gáibádusaid
  • leago dikšunlágádus registrerejuvvon ja leago das lohpi fállat dihto dikšuma
  • masa šlája ja dorvvolašvuođa sihkkarastinvuogádahkii dikšunlágádus gullá
  • buohcci vuoigatvuođat gažaldatvuloš riikkas.

Oaččut kontáktačuoggás neavvuma maid dalle, jos du dikšumis dáhpáhuvvá meattáhus dehe it leat duhtavaš iežat oažžun dikšumii.

Dikšunaddi galgá addit dieđu dikšunmolssaeavttuin ja iežas doaimmas

Dikšunaddi galgá addit dutnje dárbahassii olu dieđu plánejuvvon dikšumis ja doaibmabijuin, vai sáhtát dahkat iežat dikšuma diđolaš válljemiid. Dikšunaddi galgá muitalit dutnje

  • sierra dikšunmolssaeavttuin
  • dikšuma šlájas ja dorvvolašvuođas gažaldatvuloš dikšunlágádusas
  • dikšunlágádusa lobiin ja registreremis
  • dikšunlágádusa ovddasvástádusdáhkádusas.

Sáhtát ieš váikkuhit iežat dikšuma dorvvolašvuhtii

Sáhtát maid ieš váikkuhit iežat dikšuma dorvvolašvuhtii. Dearvvašvuođa ja buresbirgejumi lágádus (DBL) lea ráhkadan ofelačča, mas lea diehtu das, mot ieš sáhtát váikkuhit dikšuma dorvvolašvuhtii. Ofelaččas lea ávki maid, jos oaččut dikšuma olgoriikkain.